Sotqa 19 adam tartyldy dep habarlaıdy ratel.kz. Bul Qazaqstannyń sot prosesterinde eshqashan bolmaǵan deıdi Shymkenttiń aýdandyq Ál-Farabı soty.
Aıyptalyp otyrǵan 19 adam sot materıaly boıynsha uıymdasqan qylmystyq toptyń músheleri. Olar urlyq jasamady, adam óltirmedi tipti qarjyny da jymqyrmady. Qylmystyq top memlekettik qyzmetke úmitkerlerdiń ornyna test tapsyryp otyrǵan. Iaǵnı, jalǵan qujattar arqyly ózderin basqa adam dep tanysyrǵan. Olar úshin test tapsyryp, bul qyzmeti úshin aqshalaı syıaqy alyp otyrdy. Bul adamdardyń kómegine júgingender «synaqtan súrinbeı ótip» memlekettik qyzmette óz qyzmetterine kirisip kete bergen.
Sot zaly sotqa tartylyp otyrǵandardyń týystarymen toldy
Jalǵan sheneýnikterdiń qyzmeti suranysqa ıe bolǵany sonshalyq, olar búkil Qazaqstan boıynsha «jumys istegen». Bedeldi qyzmetke úmitkerler bilim synaǵynan ótýge óz qaýqarlary jetpegen bolýy kerek.
Testten sátti ótkenderge 2-3 myń AQSH dollaryn berilgen eken.
Uıymdasqan qylmystyq top 2014 jyldan beri jumys istep keledi. Tergeý barysynda olardyń 148 sheneýnikke kómekteskeni belgili boldy.
Ratel.kz aqparatyna saı laýazymdy tulǵalardyń arasynda belgili adamdar da bar eken. Alaıda, sot olardyń esimin jarıalaýdan bas tartty, tek jumysynan shyǵarylǵanyn nemese óz erkimen ketkeni aıtyldy.
Aıyptalyp otyrǵandardyń barlyǵy aqyldy, saýatty, bilimdi, biraq jumyssyz. UQT basshysy Sáken Nóserov dál osyndaı adamdardy óz tobyna jınaqtaǵan. Sot oǵan 7 jyl kesti. Dál osyndaı merzimge top uıymdastyrýshysy Mádına Dosjanova da kesildi.
Basqalar úshin test tapsyrǵan 6 aıyptalýshy 5 jylǵa bas bostandyǵynan aıyryldy. Qalǵan 11-i is burynda bolǵandyqtan jaýapkershilikten bosatyldy.
Sot úkimdi oqyǵannan keıin sot zalynda shý bastaldy. Bas bostandyǵynan aıyrylǵandardyń týystary jylap, biri balaǵat sózder aıtty. Áınek býdkanyń ishinde otyrǵan balasyn anasy qushaqtaýǵa tyrysty. Áıel tek qolyn suǵyp úlgerdi. Balasy anasynyń qolyn súıip, ekeýi de kóz jasyna erik berdi. Olardyń bir-birimen qoshtasýyna eshkim kedergi keltirmedi.
Sot shýly qylmystyq istiń sońǵy núktesin qoısa da,atalmysh toptyń kómegine júgingen memlekettik qyzmetkerler nelikten jazadan qutylyp ketkeni jaýapsyz qaldy. Olar tek qyzmetinen ǵana bosatyldy. Sot olardyń esimderin de atamady.
