Qytaı halqynyń Jańa jyl meıramy Shaǵanǵa baılanysty Qazaqstan-Qytaı shekarasynyń ótkizý beketi ýaqytsha jabyldy.

«Shekaradaǵy ótkizý pýnktteriniń barlyǵy merekege baılanysty jabyldy»,-dep habarlady QR Ulttyq qaýipsizdik komıteti shekara qyzmetiniń  kezekshisi.

Sonymen  qatar, Qytaı Halyq Respýblıkasynyń Qazaqstandaǵy konsýldyq bólimi de 2017 jyldyń 27 qańtary men 2 aqpany aralyǵynda jumys istemeıdi. Bıyl Qytaıdyń Jańa jyly 28 qańtarǵa qaraǵan túni bastaldy. Shyǵys kúntizbesi boıynsha Qytaı jańa jylynyń belgili bir belgilengen kúni joq, sondyqtan ár jylda ár kúnderi toılanady. Jańa jyldy qytaılar aıǵa qarap biledi, ıaǵnı, jyldyń alǵashqy aıyndaǵy birinshi tolǵan aı túni Qytaı halqynyń Jańa jyly bastalady. Jáne de bul eldegi jańa jyl on bes kúnge jalǵasady. 

Aıta ketetin bolsaq, Qytaı men Qazaqstan arasynda Qorǵas jáne Dostyq keden beketteri ornalasqan.