Qyrǵyzstan prezıdenti Almazbek Atambaev QR Konstıtýsıasynyń resmı mátinin halyqqa jarıalady dep habarlaıdy kabar.kg.

Qol qoıý rásimine  premer-mınıstr Sooronbaı Jeenbekov bastaǵan top, úkimet músheleri jáne pralament fraksıasynyń barlyq basshylary qatysty.  Bas prokýror Indıra Djoldýbaeva da bar.

«Qurmetti otandastar! Ózderińiz biletindeı, 11 jeltoqsanda halqymyz Konstıtýsıaǵa ózgeris engizýdi qoldady. Konstıtýsıaǵa 40 ózgeris engizildi. Atalmysh ózgerister ulttyq múddege qarsy  kóptegen qaýipten tazartyldy. Búgin biz jańa, tazartylǵan Konstıtýsıany jarıa etemiz» dedi Atambaev.

Qyrǵyzstan basshysynyń sózinshe, Konstıtýsıanyń túp nusqasy prezıdent apparatynda saqtalady. Al onyń 4 kóshirmesi Jogorký Kenesh ókilderine, Úkimetke, Konstıtýsıalyq palata jáne Joǵary sotqa beriledi. Konstıtýsıa mátini "Erkın Too" gazetinde jarıalanady.