28-shi Dúnıejúzilik qysqy Ýnıversıadanyń ashylý saltanatyna Qazaqstan Respýblıkasynyń arnaıy qonaǵy Birikken Arab Ámirlikteriniń vıse-premeri, prezıdent isteri mınıstri Mansýr ıbn Zaıd an-Nahaııan boldy, - dep habarlaıdy Tengrinews.kz tilshisi.

Ashyq derekkózderdiń málimetinshe, Sheıh Mansýr 1970 jyldyń 20 qarashasynda dúnıege kelgen. Birikken Arab Ámirlikteriniń vıse-premeri jáne prezıdent isteri mınıstri. Abý-Dabı ámirliginiń basqarýshy koróldik otbasynyń múshesi. Dýbaı bıleýshisi sheıh Mohammed ál-Maktýmnyń qyzyn alǵan. Sondaı-aq, onyń Virgin Galactic jáne Sky News Arabia kompanıalarynda úlesi bar ári BAÁ Halyqaralyq munaı ınvestısıalyq kompanıasyn basqarady.

Sondaı-aq, sheıh Mansýr City Football Group kompanıasynyń basshysy, bul kompanıaǵa "Manchester Sıtı", "Melbýrn Sıtı" jáne "Nú-Iork Sıtı" fýtbol klýbtary kiredi. "Ál-Jazıra" sport qoǵamyn basqarady. Bul qoǵamda fýtbol, voleıbol, gandbol jáne basketbol klýbtary bar.