Kúdikti onymen turmaı, júrgizýshiniń qaltasyndaǵy bar aqshasy men uıaly telefonyn tartyp alǵan dep habarlaıdy 24.kz.
Jábirlenýshi Qarataý aýdandyq ishki ister bólimine shaǵymdanǵan. Taksı júrgizýshisiniń tártip saqshylaryna bergen jaýabynda jolaýshy Saıram aýdanyna aparyp salýyn ótingenin aıtqan. Aqshasyna da kelisken. Jolaı álgi azamat toqtap ketýin suranǵan. Sol kezde ol aıaq astynan tap berip, tapanshamen qorqytyp, jeńil mashınasy men baǵaly zattaryn alyp, belgisiz baǵytta taıyp turǵan. Shuǵyl habarlama alǵan Tólebı aýdandyq ishki ister bóliminiń qyzmetkerleri kólikti aýdan aýmaǵynan baıqap qalyp, qolǵa túsirgen. Ony Qarataý aýdandyq ishki ister bólimine ótkizgen. Tártip saqshylary álgi azamattyń buǵan deıin isti bolǵan 1992 jyly týǵan Shymkent qalasynyń turǵyny ekenin anyqtady. Aıǵaqty zat retinde jeńil kólik pen oıynshyq tapansha tárkilengen. Qazirgi tańda kúdiktiniń ústinen QR QK 191 baby «Tonaý» deregi boıynsha qylmystyq is qozǵaldy. Kúdikti ýaqytsha qamaýǵa alyndy, deıdi OQO İİD memlekettik til jáne aqparat bólimindegiler.
