Qazaqstan Strategıalyq zertteýler ınstıtýty álemniń eń úzdik taldaý ortalyqtarynyń qatarynan kórindi. 2016 jylǵy Taldaý ortalyqtarynyń dúnıejúzilik ındeks-reıtıngine sáıkes, QSZI – álemniń 6 myńnan astam saraptamalyq ınstıtýttary men ortalyqtarynyń ishinde úzdik 150-ge kirdi.

Áleýmettik jelidegi jazbasynda osyndaı súıinshi habarmen bólisken Qazaqstan Strategıalyq zertteýler ınstıtýtynyń dırektory, saıasattanýshy Erdan Qarın bul reıtıńtiń Pensılvanıa ýnıversıtetiniń arnaıy zertteý baǵdarlamasy aıasynda jasalyp otyrǵanyn jetkizedi. Oǵan sáıkes, 1989 jyldan bergi álemniń 6000-nan astam zertteý ortalyqtarynyń damý úrdisteri saralanady.

Jańa reıtıńke sensek, qaýipsizdik, qorǵanys pen syrtqy saıasat salasy boıynsha QSZI úzdik júzdikke enip, 95 – orynǵa ıe bolǵan. Al úzdik memlekettik «oı-talqy» ortalyqtarynyń ishinde 56 – orynǵa qol jetkizgen. Ortalyq Azıadaǵy eń úzdik taldaý qurylymdary ishinde otandyq zertteý ınstıtýty úzdik úshtiktegi ornyn saqtap qalǵan.

Sondaı-aq, Dúnıejúzilik reıtıńke basqa da qazaqstandyq saraptama ortalyqtary, atap aıtsaq, Álemdik saıasat jáne ekonomıka ınstıtýty, Qoǵamdyq saıasatty taldaý ortalyǵy, Súleımenov atyndaǵy shyǵystaný ınstıtýty, Ulttyq taldaý ortalyǵy, Ekonomıkalyq zertteýler ınstıtýty, t.b. engen.     

Dúnıejúzilik reıtıńte ózge de qazaqstandyq taldaý qurylymdary bar eken. Atap aıtsaq, álemdik saıasat jáne ekonomıka ınstıtýty, qoǵamdyq saıasatty taldaý ortalyǵy, R.Súleımenov atyndaǵy shyǵystaný ınstıtýty, ulttyq taldaý ortalyǵy, ekonomıkalyq zertteýler ınstıtýty jáne KIMEP ýnıversıteti.

Bul kórsetkishter Qazaqstanda zertteý qurylymdarynyń róliniń artqandyǵyn bildiredi.

Otandyq saraptaý ortalyqtarynyń ǵylymı-sarapshylyq materıaldaryna shet elderde jıi silteme jasalady.

QR Prezıdenti janyndaǵy Qazaqstan strategıalyq zertteýler ınstıtýty Qazaqstan Respýblıkasy Prezıdentiniń 1993 jylǵy 16 maýsymdaǵy Jarlyǵymen quryldy. 2014 jyldyń sáýir aıynda Memleket basshysynyń Jarlyǵymen QSZI Astanaǵa kóshirildi.