Aqyn-ustaz, áleýmettik jelide belsendi bloger Aıatjan Ahmetjannyń 30 jasyna úsh úlken kitabymen esep bergeni týraly habarlaǵan edik. Ol sondaı-aq taǵy bir kitabyn baspadan shyǵarýǵa daıyndap jatqanyn jazǵan. Aıatjan Ahmetjan 30 jasynda shyǵarǵan kitaptaryn táýelsizdiktiń 25 jyldyǵyna arnaǵan.

Aıatjan Ahmetjan oqyrmandy kitaptarynyń tusaýkeserine shaqyrady. 3 aqpan kúni Astanadaǵy Ulttyq akademıalyq kitaphananyń májilis zalynda Aıatjan Ahmetjannyń kitaptarynyń tusaýkeseri ótedi. Tusaýkeserde «Minez» atty jyr jınaǵy, «Ult bolam deseń...» suhbattar men maqalalar jınaǵy hám óziniń mamandyǵyna baılanysty 8 synyp mektep oqýshylaryna arnalǵan «Hımıadan esepter men jattyǵýlar jınaǵy» tanystyrylady.

Oqyrman nazaryna tanystyra ketsek, Ahmetjan Aıatjan – Qazaqstan Respýblıkasy Bilim jáne ǵylym mınıstriniń «Qurmet» gramotasynyń ıegeri, joǵary sanatty hımıa páni muǵalimi, hımıa ǵylymdarynyń magıstri, Qazbilim (kazbilim.kz) portalynyń bas redaktory, aqyn. Bloger. 1986 jyly 18 shildede QHR, SHUAR, Muńǵulkúre aýdany, Aǵaıaz aýylynda týylǵan.

2011 jyly L.N.Gýmılev atyndaǵy Eýrazıa ulttyq ýnıversıtetiniń jaratylystaný ǵylymdar fakúltetinde Hımıa bakalavryn tamamdaǵan; 2015 jyly L.N.Gýmılev atyndaǵy Eýrazıa ulttyq ýnıversıtetinde oqýyn jalǵastyryp, Hımıa ǵylymdarynyń magıstri boldy.

Oqýshylary oblystyq, respýblıkalyq, halyqaralyq olımpıadalardyń jeńimpazy; Respýblıkalyq, oblystyq, qalalyq aqyndar aıtysy jeńimpazy;

Respýblıkalyq, oblystyq, qalalyq músháıralar jeńimpazy;

2010 jyly «ERKİME KÓNSHİ, EI, ÓMİR» atty jyr jınaǵy jaryq kórgen;

Ǵylymı – saraptamalyq jáne pýblısısıkalyq maqalalary, óleńderi merzimdi, merzimsiz basylymdarda úzdiksiz jarıalanyp turady;