Onymen qosa 23 mıllıon teńgeniń áshekeıleri de suǵanaqtardyń qolynda ketken eken. Bunyń barlyǵy mańdaı ter, taban etimmen tapqan aqsha dep otyr Ortalyq Qazaqstan akademıasynyń basshysy, dep habarlaıdy Ktk arnasy.
Tilshilermen arnaıy kezdesken Baqtybaı Júnisov úıinen urlandy delingen faberje jumyrtqasy týraly da aıtyp berdi. Iaǵnı, qyzý talqylanǵan jumyrtqa faberjeniki emes, sol brend beınelengen moneta eken. Rektordyń úıine túsken 3 ury ótken aıda 10 jylǵa deıin sottalǵan bolatyn. Suǵanaqtar 1 mıllıon 160 myńdy dollarlaı jáne talaı altyn áshekeıdi qoldy qylǵan. Biraq, buǵan qynjylyp otyrǵan rektor joq. Jeke ýnıversıteti bar Baqtybaı Júnisov, qazir birneshe joǵarǵy oqý ornymenn qatar qonaqúılerdi de basqaryp otyr.
Baqtybaı Júnisov, Ortalyq Qazaqstan akademıasynyń rektory:
-Qonaqúılerim, kafelerim bar, onyń bárin elge jaıyp aıta bermeımin ǵoı. Ózimniń tirligim ǵoı. Men aýyldyń balasymyn. Maǵan kókten eshteńe túsip jatqan joq. 2 jylda ǵana 30 mıllıon salyq tóleppin, al meniń sharýashylyqtarym, jańa sanasam 100 mılıonnan asa salyq tólepti.
