QR Parlament Májilisiniń depýtaty Vladıslav Kosarev bıylǵy Joldaýda kórsetilgen mindetterdi, ásirese, aýyl sharýashylyǵyn damytýǵa qatysty maqsattardy qoldaıtynyn bildirdi, dep xabarlaıdy QazAqparat

«Men úkimet pen jergilikti atqarýshy organdardyń jumysyna qaıran qalamyn dep otyrǵan joqpyn. Sebebi shala jasalǵan jumys kóp. Joldaýda kórsetilgen mindetterdi oryndaý barysynda sonyń barlyǵy túzeledi degen senim bar. Árıne, osy ýaqytqa deıin atqarylǵan sharalar da joq emes», - dedi Kosarev búgin Ortalyq komýnıkasıalar qyzmetinde ótken baspasóz máslıxatynda.

Bas komýnısiń aıtýynsha, búginde maqta, jún, teri sıaqty shıkizatty óz jerimizde óńdeý jumysyn qolǵa alý qajet. Óıtkeni shetelge ketken otandyq shıkizat kóp jaǵdaıda elimizge daıyn ónim retinde satylyp jatady.

«Prezıdent aıtty ǵoı, biz Eýrazıa qurlyǵyna «nan kárzeńkesin» usynýymyz qajet. Ol úshin aldymen óz xalqymyzdy arzan ári sapaly nanmen qamtamasyz etýimiz kerek. Áıtpese, óz astyǵymyzdan daıyndalǵan nanymyz sheteldegi nannan da qymbat. Osyny eskerý kerek. Jalpy, azyq-túlik ónimderi ózimizge qoljetimdi bolýy qajet. Ashyq aıtaıyn, óıtkeni meniń komýnıstik arym jibermeıdi. On jumyrtqa úshin 350 teńge - bul tym qymbat baǵa! Demek, qala men aýyl xalqyna jetetindeı taýyqtyń sanyn barynsha arttyrý qajet», - dep atap kórsetti Kosarev.