"Bizde barlyq reformalar qarjylandyrylǵan. Trıllıondap qarjy bólinip jatyr. Sonymen birge, byltyr Esep komıteti 160 mıllıard teńgeniń zańbuzýshylyqtaryn anyqtady. 47 laýazymdy tulǵa ákimshilik jaýapqa tartyldy, 223-tártiptik jazaǵa. Quqyq qorǵaý organdaryna berilgen materıaldar kóp bolyp otyr", - dedi Prezıdent otyrys qatysýshylaryna. 

Osy máseleni kóterip, Nursultan Nazarbaev Memlekettik qyzmet isteri jáne sybaılas jemqorlyqqa qarsy is-qımyl Agenttiginiń basshysynan 2016 jyly qansha sheneýnik jaýapqa tartylǵanyn surady.

"2900 laýazymdy tulǵa", - dedi Qaırat Kojamjarov.

"Jemqorlyq" baby boıynsha ma?", - dep qaıta surady Prezıdent.

""Olardy tárbıelep, tájirıbe beremiz, "Bolashaqpen" oqytamyz, osydan keıin olar túrmege qamalady. Men bulardyń ata-anasynan da qatty ýaıymdaımyn. Menińshe bul satqyndyq. 2900 adamǵa qatysty is qozǵaldy. Bul da olardy tyımaı otyr", - dep ókinish bildirdi Elbasy.