Belarýsıa prezıdenti Aleksandr Lýkashenko Reseımen aradaǵy kelisimsharttyń buzylǵandyǵyna jáne eki el shekarasyndaǵy is-áreketterge qatysty Reseıdi aıypty dep tapty dep habarlaıdy tvrain.ru, málimettiń qazaqsha nusqasyn «Qamshy» portaly oqyrman nazaryna usynady.

Bul jaıynda Lýkashenko pres-konferensıada málimdeme jasaǵan. Ol munaı-gaz qaqtyǵysyna baılanysty shekaralyq aýdandarǵa qatysty sheshim qabyldady.

«Memleketaralyq kelisimsharttar men kelisimsózder bolady. Sol nárselerdi quzireti myqty bir mınıstr keledi de, óziniń bir buıryǵymen – 801, 802, 803 – barlyǵyn  buzyp tastaı salady. Men, tipti, sol buıryqtardyń sanyn atap otyrmyn», - dep málimdedi Lýkashenko.

Reseımen aradaǵy qarym-qatynastyń ýshyǵýyna «Belarýsıa Batysqa ótip ketý múmkindigi» sebep bolǵan jáne bul jaǵdaıǵa Reseı asa saqtyqpen qarap otyr. Sonymen qatar, Lýkashenkonyń aıtýynsha, Reseı bıligi túrli saıası kúshterden turady jáne olardyń pozısıalary memleket bıliginiń pikirimen sáıkes keledi. Belarýsıa prezıdenti: «Sońǵy kúnderi jaǵdaı tym ýshyǵyp bara jatyr», - dep aıta ketti.

Lýkashenko: «Reseımen aradaǵy munaı-gaz qaqtyǵysy – bizdi mazaqtaǵandary. Táýelsizdik, turaqtylyq pen bizdiń tarıhymyz – biz úshin munaıdan da qymbat. Artyq sóz aıtyp qoımaıyn dep myna jerde ózimdi áreń ustap turmyn, sebebi Semashkonyń (Belarýsıanyń vıse-premeri) túri bozaryp ketken shyǵar. Belarýsıa Reseıdiń munaıynsyz-aq kún kóre alady», - deıdi.

Sonymen qatar, Lýkashenkonyń aıtýynsha, reseılik mınıstrler kelisim ornatýǵa kelgen Belarýsıa eliniń adamdaryna pysqyryp ta qaramaıdy, olarǵa túkirgenderi bar eken.

«Mınıstrlerdiń bizdi mensinbeıdi, túkirgenderi bar. Eger mundaı qarym-qatynas jalǵasa beretin bolsa, biz endi kelmeımiz! Pýtınge dál osylaı aıttym», - dep aıtty Lýkashenko. Qabyldaý bóliminde Belarýsıa delegasıasy kútip turǵandyǵyn reseılik mınıstr umytyp ketken jaǵdaıdy mysalǵa keltirdi.

Aýdarǵan: Nazerke Labıhan