Belgili saıasattanýshy Dosym Sátbaev Imanǵalı Tasmaǵambetovtyń vıse-premerlik qyzmetinen alynyp, Reseıge elshi bop ketýin osylaı baǵalap otyr, - dep habarlaıdy Qamshy.kz.

Dosym Sátbaev bul rette I. Tasmaǵambetovtyń osyǵan deıin elshilik qyzmetten ótpegenin alǵa tartady. Saıasattanýshynyń aıtýynsha, elshilik qyzmet Imekeńniń saıasatker retinde tolysa túsýi úshin utymdy baspaldaq bolmaq.

«Bylaısha aıtqanda, ol (I. Tasmaǵambetov – red.barlyǵynan ótti. Endi myna sońǵy, vıse-premerlikten (tipti, birinshi vıse-premerlik te emes) ketýi oǵan paıdaly bolýy a múmkin. Búrokratıalyq ıerarhıa turǵysynan alsaq, bul – qyzmetiniń tómendeýi. Biraq, barlyq soqqyny qabyldaıtyn vıse-premerlikten góri (onyń ústine keshegi keńeıtilgen jıynda Elbasy barlyq jaýapkershilikti Úkimettiń moınyna ilip qoıdy) memlekettegi birinshi adamnyń soltústik kórshidegi «kózi» bolǵan áldeqaıda jaqsy. ) Budan bólek, elshilik qyzmet eldegi elıta aralyq shaıqastyń aıaqtalýyn syrtta kútýdiń keremet múmkindigi. Sońǵy tutqyndaýlar ol shaıqastyń áli de jalǵasatynyn kórsetip otyr. Prezıdenttiń Úkimet quramynan «besinshi kolonna» izdeýi, memlekettik qarjyǵa qatysty salǵyrttyq pen qylmystyq áreketterdi anyqtaý jónindegi arnaıy komısıa qurý týraly sheshim de kóptegen sheneýnikterdi oılandyryp tastasa kerek», - deıdi D. Sátbaev.

Osylaısha Tasmaǵambetovtiń sońǵy taǵaıyndalýynan oń nátıjeler kútetin saıasattanýshy negizgi másele Imekeńniń elshilikten keıingi qyzmettik karerasynda ekenin jáne elshilik qyzmette júrip el ishindegi saıası máselelerdi sheshýge aralasý múmkindiginiń shekteýli bolatynyn eskertedi.

Osy rette D. Sátbaevtiń byltyr qyrkúıek aıynda Tasmaǵambetovtyń vıse-premerlik kresloǵa otyrýyn da ýaqytsha taǵaıyndaý dep baǵalaǵanyn aıta ketken jón.

Jomart Abdollauly