Ótken jyly qyrkúıek aıynda Shyńjań televızıasy Hýıýı kompanıasymen birlese otyryp, Toly aýdanynyń ákimshiliginiń qoldaýymen  Qytaı qazaqtary tarıhyndaǵy tuńǵysh telehıkaıanyń túsirilimin bastaǵan bolaty.  

Fılm tobynyń 3 aılyq operatorlyq jumysynan keıin túsirilimniń alǵashqy jumysy aıaqtaldy. Fılmniń bas rejıserlik mindetin Shyńjań televızıasynyń beldi tele júrgizýshisi, Qytaı memlekettik 1-dárejeli rejıser Kúres Qabdenuly atqarǵan. 

Al bas operatorlyq qyzmetti «Nıko fılm mádenıet taratý kompanıasyn» qurýshy Nyǵmet Qusmauly atqardy. Esterińizge sala ketsek, Nyǵmet Qusmanuly osydan buryn Anglıa men selbesken «Dala sazy» kınosy, Qazaqstanmen selbesken «Oralý» telehıkaıasy qatarly kóptegen kıno-fılmderdiń túsirilmine atsalysqan, ótken jyly ǵana uıǵyr ultynyń «Bizdiń mahalle» atty 20 serıaly tele fılymiń bas operatory bolsa,, «İltjá» fılmindegi bas operatorlyq qyzmeti úshin «Kópir» mıkrofılm festıvalynyń «Eń úzdik operator» syılyǵynyń kandıdaty bolyp syılanǵan. 

Al, Shyńjań televızıasynyń myqty sýretshisi Nurbaqyt Jaqaı uly osy retki fılmniń bas kórkemdik jetekshisi boldy. Nurbaqyt Jaqaıuly da «Naratqa mahabbat» qatarly kınofılmderdiń sýretshilik jumystaryn atqarǵan edi. 

Telefılmniń bas rejıseri Kúres Qabdenuly: «bul fılm Shyńjań qazaqtarynyń tuńǵysh serıaly, árıne bárimizdiń moınymyzda jaýapkershilik bar, túsirilim bastaǵan ýaqytymyz kúzgi mezgil. Al fılmde jaz, qys, kóktem mezgili qamtylady, ýaqyt tyǵyz, al akterlerimizdiń bári jańa bet-beınede, kóbi birinshi ret obraz somdaýda. sondyqtan qıyndyqtar az emes», - deıdi. 

Telefılmniń bas Operatory Nyǵmet Qusmanuly: «Bul telefılmde erekshe atap óter jáı fılmniń rejıseri, operatory, kórkemdik jetekshisi, shyraqshy, dybys rejıserleri, maıdan tizimdeýshi, kımshileriniń bári qazaq ultynan, Iaǵnı tuńǵysh qazaq fılm toby quryldy deýge bolady, ári akterlerde qazaq tilinde sóıleıdi, bundaı túsirilim toby qazaq kınosynda buryn-sońdy bolmaǵan jáı», - deıdi. 

Fılm aldyńǵy túsirilim barysy aıaqtap, qazir Ersin Maqsatuly sońǵy montaj jumysyna kirisýde.

Esterińizge sala ketsek, ­ atty 30 serıaly telefılm Qytaı qazaqtarynyń tuńǵysh kóp serıaly telehıkaıasy bolǵaly otyr. Fılmde jańa ǵasyrdaǵy qazaq turmysy jáne mal sharýashylyǵyn negiz etetin qazaq malshy qaýymnyń tirshiligi kórsetiledi. Telefılm sújeti qystaqtaǵy Ulan, Maıyra, Erbolat, Baqaı qatarly jastardyń tóńireginde damıdy. Bul telefılm Shyńjań televızıasynyń az ulyt tilindegi kınofılm mádenıet týyndylaryn damytý jaǵyndaǵy jańa qadamy, izdenisi ári Shyńjańdaǵy qazaq tele týyndylardyń bostyǵyn toltyrady. Fılm osy jyldyń sáýir aıynda kórermendermen júzdesedi dep mejelenýde.