Elimizdegi kóp balany dúnıege ákelgen eń jas ana – Aqtóbelik Aısáýle Satybaldıeva. Bul jaıynda aqparat «Dıapazon» gazetinde berilgen.

Serik Baıdeshev pen Aısáýle Satybaldıeva 3 jyl buryn Qaıyndysaı aýylynan Alǵa aýdanyna kóship kelgen. 8 balasymen sýsyz, otynsyz kishigirim ǵana úıde kún keshti. Búgingi kúni otbasy Jańaqonysta turady. Serik Baıdashev qoǵamdyq kóliktiń júrgizýshisi bolyp jumys atqatrady. Aısáýle jumyssyz. Kópbalaly ana memlekettiń nazary ózderine aýyp, kúnderdiń birinde ózimizdiń jeke úıimizge kóshermiz dep senedi.

Otbasynda 6 ul men 4 qyz bar. Kishisi 1 jasqa da tolmapty. Aısáýleniń aıtýy boıynsha, tańǵy 4-te dúnıe esigin 3800 gram bolyp ashqan búldirshindi bosaný qıynǵa soǵypty. Uldarynyń esimin Sáýlet dep atapty.

«Bizdiń balalarymyzdyń esimin osy ýaqytqa deıin týǵan-týystarymyz qoıyp kelgen. Al, 10-shy balamnyń esimin kúıeýim ózi qoıdy. Kópbalaly ana degende bılik turmaq, halyqtyń ózi úrke qaraıdy. Teris pikirler estip jatamyz. Biraq men ondaılarǵa kóńil aýdarǵym kelmeıdi. Maqsatym – balalarymdy aıaǵynan tik turǵyzý».

Aıta keteıik, 10-shy balasyn dúnıege ákelse de, memleket tarapynan eshqandaı kómek kórsetilmegen ana: «Altyn alqa» medali tek kópbalaly ana ekenimniń belgisi ǵana», - dep kúıinedi.