Aqtóbedegi mektepterdiń birinde muǵalimge qatysty shý shyqty, dep habarlaıdy 31 arna.

Shaǵymdanǵan ata-ana  23 jastaǵy muǵalim 3-shi synypta oqıtyn qyzyna jynys múshesin kórsetip, qolymen ustatqan dep otyr. Qazir bul oqıǵaǵa qatysty tergeý amaldary júrip jatyr. Al oqýyn qyzyl dıplommen aıaqtap, bıyl ǵana deneshynyqtyrý pániniń muǵalimi bolǵan azamat bulaı istedi degenge ujym sene alar emespiz deıdi.

Sońǵy eki-úsh kúnnen beri Aqtóbedegi bul mekteptiń ujymy da, oqýshylar men ata-analar da mektep qabyrǵasynda "osyndaı bolypty" degen oqıǵadan keıin esterin jıa alar emes. Oqýshy qyzdyń ata-anasynyń túsirgen shaǵymyna qaraǵanda, muǵalim úshinshi synypta oqıtyn óziniń oqýshysyn mekteptegi tasa jerge aparyp, jynys múshesin ustatqan. Shaǵymnan soń, ózge ata-analar da balalardy mektepke jiberýge qorqatyn boldyq deıdi.

LÚDMILA VIKTOROVA, Turǵyn:

- Ia byla v shoke. Do poslednego dýmala chto eto ne pravda. Men alǵash estigende qatty qorqyp kettim. Shyn emes bolar dep oıladym. Árıne endi qorqamyz. Balalarymyzdy mektepke jiberýge qorqatyn boldyq. 8-shi synypta sińilim oqıdy. Oılaýdyń ózi qorqynyshty.

Muǵalimnen zábir kórýi múmkin degen oqýshynyń ata-anasy ázirge el aldyna shyǵýdy qalamapty. Al mektep dırektory jas muǵalim "olaı istemedi" dep kesip aıta almaıdy. Aıtýynsha, qazir kishkentaı qyzǵa tıisti degen muǵalim tergeýge baılanysty jumystan shettetilgen. Degenmen, basshylyq jas muǵalimnen jaman qylyq baıqamaǵan edik dep otyr.

LATYP ÁLİBI, Aqtóbe qalasy №16 orta mektebiniń dırektory:

- Es-aqyly durys, kolej bitirgen bala. Araq ishpeıdi, temeki tartpaıdy. Onyń artynan ondaı jaǵdaıdy eshqashan kórgen emespiz. Qazir men sizge naqty eshteńe aıta almaımyn. Nege deseńiz qazir sledstvıesi júrip jatyr. Bizge olar anyq eshteńe aıtqan joq.

Oblystyq ishki ister departamenti baspasóz qyzmetiniń habarlaýynsha, bul oqıǵaǵa qatysty shaǵym polısıa bólimine túsken. Qazir muǵalimniń áreketterine qatysty isti polıseıler jan-jaqty tekserip, aınalysyp jatyr deıdi.