Kesheli beri áleýmettik jelilerde bir ońbaǵan sýret eldiń shyrqyn buzyp, bári bulqan-talqan bolyp otyr eken. Oǵan nemenege tań qalasyńdar nemenege ashýlanasyńdar? Dinsizdik jaılaǵan jer sondaı bolady. Ánshiler shyǵyp oıbaı aq-kók dep jatyr kúlkini keltirip. Aý, kókelerim-aý keremet bolsańdar mine, Astananyń irgesinde ALJIR murajaıy ornalasqan jerde meshit joq. Joq emes bar biraq sıqy mynaý.

Al murajaıdyń dál qasynda provaslav ǵıbadathanasy, onyń ar jaǵynda katolık shirkeýi jarqyrap tur. Tek býddanyń hramy jetispeıdi. Keremet toleranttymyz ǵoı. Provaslav ǵıbadathanasynyń janynda meshitke dep berilgen jer bar, senesizder me, sol jerge meshit salýǵa demeýshi tappaǵanymyzǵa biz kelgeli 2 jyl bolsa, onyń aldy úsh jyl, qosyńyz 5 jyl. Jańa meshitten úmit úzgennen keıin, «qoı, bar meshitimizdi jasap alaıyq» dep jamaǵattyń 5-6 jigiti iske kirisken. Bul meshit dep otyrǵanymyz buryn qoıma, odan kitaphana bolǵan, qulaıyn dep turǵan eski úı.  Sýretten de kórinip tur ǵoı nesin aıtyp jataıyn. Sýy da joq kanalızasıa túgili. Al bul jaqtyń qysy qandaı ekeni belgili. Jigitter aq ter kók ter bolyp sý tartyp kirgizdi. Endi shatyry, týaleti, arıstony, kafel, qosymsha týaletke arnalǵan qurylysy bar, sonda kirpishi, qaqpasy , aýlasyn jasaýǵa qarajat kerek. Qarajatty álhamdýlılla biraz adam berdi, 365 myń jınaldy. (Bir kisi 200 myń berem degen sony qosyp aıtyp otyrmyn. Áli qolymyzǵa tıgen joq.) Al endi oılańyz bul aqsha qaı jyrtyqty jamaýǵa jetedi. Alash azamattarynyń qany tógilip, urpaǵynyń súıegi shashylyp qalǵan jerge durys meshit sala almaýymyz eldigimizge syn emes pe?!

Biraz aǵaıynnan kóńil de qalyp otyr shynymdy aıtsam. Ózimizdiń qazaq jigitteri benzınimdi quıyp ber anaý-mynaý dep buldanǵanda, orystyń jigitteri kelip lám-mım demeı bir tıyn suramaı sý júıesin rettep berdi. Sóıleı berse sóz kóp...

Ár kim jyly kresloǵa otyryp alyp anaý-mynaý dep lepirmeı iske kóshý kerek shyǵar. Toqsan aýyz sózdiń tobyqtaı túıini qys túspeı osy eski meshit tezirek oımaqtaı bolsyn deseńizder qarajat jınaýǵa kómektesińizder. Jumysshylardyń eńbekteri de bar . Jamaǵattyń ózi de tań namazynan keıin, ekintiden keıin qoldary qalt etkende jabylyp jatyr. Biraq aralarynda saýatty sylaqshy, tas qalaýshy joq. Ondaı jumysshylarǵa habarlasyp edik namaz oqıdy ǵoı dep eńbek aqysy 150 myń teńge dedi. Qoldaryńyzdan sylaq jasaý, tas qalaý kelse de marhaat.

Maıra Beısekenova. Facebook-tegi paraqshasynan.