Úkimet basshysy S.N. Ahmetov myrzanyń nazaryna!

Memleket basqarasyń ba, Úkimetke jetekshilik etesiń be, bári bir, sol eldiń tarıhyna seniń atyń aıshyqtalyp jazylady. Taqtan túsken kúni alatyn baǵań ekeý ǵana - jaqsy ne jaman. Basqa ataq joq. Orta, ortasha, birshama jaqsy, qanaǵattandyrarlyq... degenderdiń bári kóńil jyqpas, kóılek jyrtpas qurǵaq jaqaýratý. Bul jerde aıtylyp otyrǵan jaqsy degen ólshem jaı sóz emes, ULTTYŃ ULY TULǴASY degendi bildiredi. Al, ony ólsheıtin altyn tarazy - tizgin ustaǵan jyldaryńdaULTYŃA, ONYŃ TUTASTYǴYNA ETKEN ADAL QYZYMETİŃİŃ deńgeıi. (http://abai.kz/content/auyt-mykibek-koshke-osh-bolmaiyk) Osy talapqa salyp kep jibergende, Qazaqstan Respýblıkasynyń Úkimetin tabany kúrekteı alty jyl basqarǵan Kárim Másimov ne bitirdi? Eki-úsh kúnnen bergi aqparat quraldarynan Kárim Qajymhanulynyń atyna aıtylǵan záredeı alǵysty estigen joqpyz. Kerisinshe daǵdarys kezinde mıllıardttaǵan qarjynyń ıgerilmeı qalǵanyn, jemqorlyqtyń barynsha asqynǵanyn, Jańaózen men Shetpede qara halyqqa oq atylǵanyn, «terorısterdiń» qaptap ketkenin... jipke marjandaı tizip, betine kúıik qyp basýda. Bunyńyz ber jaǵy ǵana. Al meniń aıtaıyn degenim múlde bul emes, Kárim Másimov premerlik etken osynaý jyldar ishinde ótken ǵasyrdyń otyzynshy jyldarynda júrgizilgen náýbettiń  áıni qatesiz qaıtalanýy. OL - ÁLEMNİŃ ÁR SHALǴAIYNDA JÚRGEN BES MILLLION QAZAQTYŃ TÁÝELSİZDİKTEN BERİ ATAMEKENGE TOLASSYZ AǴALYP JATQAN ULY KÓSHİNİŃ OSY KİSİNİŃ QOLYMEN TOQTATYLǴANY.(http://janaozen.net/shbat/raym-ayyplyaza-kshn-totatudy-lta-arsy-zhariyal...) Qoldan jasalǵan ashtyqtan 4,5 mıllıon qazaq qyryldy ne; baı da, baqýatty, táýelsiz, keń baıtaq Otany bola tura, tilinen, dininen, salt-dástúrinen aıyrylyp, aıdyń-kúnniń amanynda basqa bir ultqa jutylyp ketti ne - bári bir joıylý emes pe?! Demek, K.Másimov ekinshi Goloshekın degen atpen attandy Úkimet úıinen. Men bulaı bolaryn baıaǵyda eskertkem ol kisige. (http://www.zhasalash.kz/saraptama/7173.html,http://abai.kz/node/13787) Aýys-kúıistiń bolyp turǵany jaqsy. Úkimette jańa taǵaıyndaýlar júre bastap edi, eldiń qulaǵy eleńdep, kózderinen umit sáýlesi qylań bere bastady.  Atqarýshy bılikke mine, Serik Ahmetov keldi. Jurttyń aıtysyna qaraǵanda óte jaqsy jigit. Tekti jerdiń týmasy. Eshqandaı klanda joq. Qoly taza. Naǵyz erdiń jasy elýden endi ǵana asqan. Bıliktiń biraz baspaldaǵynan ótken. Qazaqshany qamshy saldyrmaı úırenip alǵan... Bárin aıt ta, birin aıt, eń bastysy ózimizdiń qarapaıym qazaqtyń balasy! Qudaıǵa shúkir, Úkimet quramy da jaqsy jasaqtalyp keledi. Premer-Mınıstrdiń orynbasary bolyp  Qyrymbek Kósherbaev taǵaıyndaldy. Qyrymbek Eleýuly týraly aıtýdyń qajeti joq, elge belgili, atyna zaty saı, iri tulǵa. Elbasymyzdyń ózi ol kisini Jańaózendegi qyrǵynǵa qatysy joq dep aqtady. Iá, bul áleýmettik arazdyqty qozdyrdy dep qaralanǵan oralmandar da esh kúnasyz degen sóz. Aıtpaqshy, alystan keletin aǵaıynnyń at basyn tireıtin taǵy bir qara shańyraǵy  Eńbek jáne halyqty áleýmettik qorǵaý mınıstrligi. Qazir oralmandar «2020. Eńbekpen qamtý» baǵdarlamasynyń aıasynda qarjylandyrylady. Oǵan jap-jas jigit Serik Ábdenov jaıǵasty. Serik Saqbaldyuly Shyǵystyń shyraıyn kirgizip otyrǵan jampoz Berdibek Saparbaevtyń shekpeninen shyqqan bala. SHQO-da, Óskemen qalasynyń irgesinde qandastarǵa arnap salǵan 700-deı úıge Berdibek Máshbekuly kirgizetin otbasy tappaı, baıaǵyda kóship kelip alǵan, aýyldarǵa ornalasyp úlgirgen, kvotosyn alyp bolǵan aǵaıyndardy tartqanyn Ábdenov ábden biledi. Óıtkeni ol kezde Qazaq kóshi toqtap úlgirgen bolatyn. Qazannan qaqpaq ketken jerde, ıtte qaıdan uıat bolsyn?! Baqylaýsyz qalǵan osy «Nurly-Kóshtiń» aqyry qyzyl-qyrǵyn daýǵa ulasty. Dabyl kótergen qandastar baıqus qaralanyp shyǵa berdi. Osy jaǵdaıdy QR Parlamenti Májilisinde QR Úkimetiniń 2011 jylǵy respýblıkalyq búdjettiń atqarylýy týraly esebine qorytyndy jasaǵan Esep komıtetiniń tóraǵasy Omarhan Óksikbaev málim etkende baryp, alystan kelgen aǵaıynnyń aq ekenine, naqaqtan-naqaq  kúıgenine  eldiń kózi ábden jetip tyndy. (http://www.inform.kz/kaz/article/2464820) Sóıtip kóp-kórim jumys istep kele jatqan jap-jaqsy jobanyń jolyn kesken de, keletin kóshti toqtatqan da, joǵaryda aıttyq, taǵy sol K.Másimov edi. Elimiz táýelsizdik alǵaly, shynyn aıtý kerek, biraz sharýanyń basy qaıyryldy. Baqylaý kúsheıtilip, jemqorlyq tıylsa, Qazaqstannyń alyp kemesi arshyndap alǵa jyljı beredi. Endigi kezek kúttirmeı, qolǵa alatyn sharýa - Kóshi-qon! Onyń taǵdyryn sheshpegen jaǵdaıda istelgen bar harekettiń quny kók tıyn! Táýelsizdik dúnıe júzindegi bar qazaq balasyna tán, ortaq mereı. Sondyqtan  bes mıllıon qandastyń kózin jat jerde móldiretip qoıyp, el boldyq degenimiz beker sóz. Qaıtalap eske salaıyn, joǵaryda aıtylǵan tarıhta  qalý máselesin sheshetin ólshem tap osy - Kóshi-qon. Bireýdiń salyp ketken ylańyn birden ornyna keltirý, árıne, ońaıǵa soqpaıdy. Desede, biz Serik Ahmetov Úkimetinen, onyń jańa jasqtalǵan komandasynan K.Másimov basyna sý quıǵan QAZAQ KÓSHİN QAITA JAŃǴYRTÝDY ASYǴA KÚTEMİZ! (http://www.turkystan.kz/page.php?page_id=39&id=7307) Bul ata-babalarymyzdyń armany, Alash kósemderiniń ustanymy. İske sát, qurmetti Serik Nyǵmetuly! «Alashym» degen jannyń, Alla, jolyn ashyq qyla kór!! Árkez Abaıshyl bolaıyq! Alashshyl bolaıyq! Áýmın!!!   Aýyt Muqıbek "Abaı" portaly Sýret: tumba.kz