Qytaıdaǵy Szınhýa aımaǵynda órt sóndirýshilerge belgisiz áıelden habar kelip túsedi.  Belgili bolǵandaı kóp qabatty úıdiń káriz júıesinen sábıdiń daýsy estilgen. Órt sóndirýshiler káriz qubyrynan jańadan týylǵan sábıdi taýyp aldy dep habarlaıdy qamshy.kz.

Qolmen sábıdi alyp shyǵý múmkin bolmady. Al ýaqyt óte tyǵyz edi. Sondyqtan qutqarýshylar bala turyp qalǵan qubyrdy sábımen qosyp kesip, dereý aýrýhanaǵa jetkizdi.

Dárigerler men qutqarýshylar sábıdi qubyrdan bir saǵat boıy bosatyp alýǵa tyrysty. Nátıjesinde balany jaraqattamaı,  shyǵara aldy.

Dárigerler balanyń júregi aýyratynyn jáne kóptegen dene jaraqattaryn baıqaǵan. Ýaqyt óte kele sábıdiń jaǵdaıy turaqtandy.

Polısıa birden iske kirisip, óz balasyn óltirýge oqtalǵan anany tapty. Ol oqıǵa bolǵan kóp qabatty úıdiń turǵyny eken. Belgili bolǵandaı, ony jigiti tastap ketken. Al jasandy túsik jasatýǵa onyń qarajaty bolmaǵan.

Ol dúnıege shekesi torsyqtaı ul alyp keldi. Áıeldiń aıtýynsha ol sábıdi óltirýdi oılamaǵan. Sábı qolynan túsip ketken. Ol birden órt sóndirýshilerge habarlasqan. Alaıda, olar kelgende shoshyp, jasyrynyp qalǵanyn aıtqan.   

Bul oqıǵa qoǵamda keńinen talqylandy. Jergilikti jýrnalıser ony «59-shy sábı» dep atap ketken. Bul onyń aýrýhanaǵa túsken nómiri. Kóp ýaqyt ótpeı-aq balaǵa qajettini alyp kelip jatqandar kóp boldy.