Soltústik Koreıa – álemdegi jabyq elderdiń biri. Turǵyndary memleket bıliginiń qatal tártibine kónýge májbúr, olaı bolmaǵan jaǵdaıda túrmege toǵytylady nemese ólim jazasyna kesiledi. Ólim jazasyna qandaı jaǵdaıda kesiledi?
«Qamshy» portaly Soltústiń Koreıanyń quqyq buzýshylyq áreketterin nazarlaryńyzǵa usynbaq.
1.Tyıym salynǵan áýenderdi tyńdaý
Soltústik Koreıada sheteldik áýenderdi tyńdaýǵa tyıym salynǵan. Radıo, televıdenıe, ǵalamtor, BAQ – bári memlekettiń arnaıy qyzmetkerleriniń qatań baqylaýynda bolady. Sheteldik málimetter, óleńder Soltústiń Koreıanyń ulttyq qundylyqtaryn qorlaıdy eken.
2.Shyn júrekten aza tutpaý
Koreıanyń basshysy qaza tapsa, halyq túgel aza tutýǵa mindetti. Aza tutý kúnderi koreıalyqtar 100 kún boıy qaıǵy jutyp jylaýlary tıis. Sezimderin barynsha syrtqa shyǵaryp, jan daýystarymen aıqaıǵa salyp turyp jylaýlary kerek eken. Emosıalaryn ishterinde tyıyp qalǵan jaǵdaıda túrmege toǵytylady nemese ólim jazasyna kesiledi. 100 kún boıy eldiń ár aımaǵynda kameralar qosýly turady.
3.Aza tutý
Kım Chen Yn turǵyndarǵa dúnıeden ótken týystaryn joqtap, jylaýǵa tyıym salady. 2013 jyly Chan Son Thek memlekettik tóńkeris jasaǵany úshin ólim jazasyna kesildi. Áıeli qaıǵy tutyp bastaǵan kúni-aq iz-tússiz joǵalyp ketken.
4.Jınalys ýaqytynda uıyqtaý
Kım Chen Yn ózi sóılep turǵan ýaqytta uıyqtaǵan azamattardy kóńili jaratpaǵan. Birneshe jyl buryn Ulttyq Qarýly Kúshter mınıstri Hen En Chhol memleket basshylary jınalǵan otyrysta uıyqtap ketkendikten aıypty bolyp sanaldy. Sol úshin atý jazasyna kesildi.
5.Alkogóldi shyryndarǵa qatysty jaza
Soltústik Koreıa azamattaryna tek memlekettik meıram kezderinde ǵana alkogóldi shyryn ishýge ruqsat berilgen. 2013 jyly Kım Chen Irýdy aza tutý ýaqytynda alkogól qoldanǵan soltústik koreıalyq áskerler ólim jazasyna kesildi.
6.Azyq-túlikti urlaý
Soltústik Koreıanyń eńbek lagerinde ashtyqtan qaza tabatyndardyń sany jetedi. Sebebi, ashtyq olardy urlyq jasaýǵa májbúrleıdi. Bundaı áreketke barǵan adam dúıim jurttyń aldynda atylady. Tipti, balalardy, oqýshylardy osyndaı rásimderge sabaq bolsyn degen nıetpen arnaıy shaqyrady eken.
7.Tasbaqa fermasyndaǵy sapasyz jumys
2015 jyly Soltústik Koreıanyń Memlekettik aqparattyq agenttigi Kım Chen Ynnyń tasbaqa fermasyna barǵan sátin foto-esep retinde jarıalaǵan bolatyn. Al, basshyǵa qyzmetkerlerdiń teńiz shaıandaryn ósirýi unamaǵan sekildi, sýrette nashar kórinis tapqandyqtan, Kım Chen Yn qyzmetkerlerdi ólim jazasyna kesý jaıynda úkim shyǵardy.
8.Sabyndy operany tamashalaý
2013 jyly Soltústik Koreıada ońtústik koreıalyq fılmderdi qaraǵany úshin 80 turǵyn óltirildi, 2014 jyly 50-i qaza tapty. Qaza tapqandardyń arasynda sheneýnikter de bolǵan.
9.Shetelmen baılanysqa shyǵý
Syrtqy álemmen baılanys ustaýǵa bul memlekette qatań tyıym salynǵan. 2013 jyly memleket turǵyny Ońtústik Koreıadaǵy turǵynymen tildeskeni úshin atyldy.
10.Ǵalamtorǵa shyǵý
Biz ómirimizdi ǵalamtorsyz elestete almaımyz. Al, Soltústik Koreıa turǵyndary ǵalamtor jelisin paıdalanyp, syrtqy álemmen baılanysqandary úshin qatań jazaǵa tartylýy múmkin.
11.Pornografıany kórýge qarsy
Porno fılmderdi qaraǵan adamdar da ólim jazasyna kesiledi. Kım Chen Ynnyń kóńildesi ánshi Hen Son Vol ashyq kıimde jarnamaǵa túskeni úshin ata-anasynnyń kóz aldynda ólim qushty.
12.Shekaradan asý
Soltústik Koreıa turǵyndaryna memleketten óz erikterimen shyǵýǵa tyıym salynǵan.
13.Basshylardy qadirlemeý
Koreıa basshylarynyń músinderine, eskertkishterine tipti týrıserdiń ózi bas ıýge mindetti. Qadirlemegen adamdy oılanbastan ólimge qıady.
14.Dinge sený
2013 jyly 80 adam İnjildi saqtaǵandary úshin óltirildi. Sebebi, Soltústik Koreıada Kım Ir Sen men onyń uly Kım Chen Ir bastaǵan dinı ustanymyna senýge mindetti.
15.Batys ádebıetin saqtaý nemese satylymǵa shyǵarý
Soltústik Koreıada batys ádebıeti baǵalanbaıdy, batys ádebıetin paıdalaný memleket basshysyna degen senimdiliktiń joqtyǵy retinde sanalady. Sondyqtan, batys áýeni, ádebıeti, fılmderi – bul memlekettiń turǵyndary úshin naǵyz qatygez dúnıe. Batys órkenıetine qatysty dúnıeni ıemdený, taratý nemese satylymǵa shyǵarý syndy áreketterdiń sońy ólimmen aıaqtalady.
Derekkóz: morediva.ru
Aýdarǵan: Gúlim JAQAN
