Elordada «Qazatomónerkásip» UAK» AQ-nyń XIV spartakıadasy ótti. Aýqymdy sharanyń ashylý saltanaty «Astana Solar» zaýyty aýmaǵynda ornalasqan sport kesheninde uıymdastyryldy.
Al bıylǵy básekede kompanıaǵa qarasty 25 kásiporynnyń quramalary baq synady. Atap aıtar bolsaq, atomshy-sportshylar Qyzylorda, Ońtústik Qazaqstan, Mańǵystaý, Aqmola, Shyǵys Qazaqstan jáne Almaty oblystarynan, sondaı-aq Almaty jáne Astana qalasynan keldi.
Jalpy mundaı jarystardyń uıymdastyrylýy elimizdegi iri kompanıalardyń buqaralyq sportqa basa kóńil bólip otyrǵanyn kórsetedi. Mysalǵa, bul jolǵy jarys jolyna sporttyń 8 túrinen myńnan astam sportshy shyqty. Jarysqa qatysqandar mını-fýtbol, voleıbol, basketbol, jeńil atletıka sıaqty túrinen óz sheberligin pash etti. Al jarysqa qatysýshylar eki topqa bólindi. «ÚMZ» AQ, «MAEK-Qazatomónerkásip» JSSH, «Volgovgelogıa» AQ, «Qazatomónerkásip» UAK» AQ sıaqty 7 iri kásiporyn «A» tobyndaǵy kýbokty sarapqa salsa, óz kezeginde shaǵyn kásiporyndar (15 komanda) «V» toby tústi. Kóńil tolatyn tus, bıylǵy básekeden jas ta, jasamys ta qalys qalǵan joq. Jarystarǵa jasy 19-ǵa jańa tolǵan jas sportshylar da, 63-tegi ardager sportshylar da qatysty. Óz kezeginde osynaý spartakıadanyń tóreshisi bolǵan «Qazatomónerkásip» UAK» AQ Basqarma Tóraǵasy Nurlan Qapparov, jarysty ótkizýdegi basty maqsat – kompanıa qyzmetkerleriniń salamatty ómir saltyn qalyptastyrý ekenin tilge tıek etti. Jarys jalpy 5 kúnge sozylyp, jeńimpazdar men júldegerlerdi marapattaý saltanatymen aıaqtaldy.
Qamshy-aqparat
