Eýropalyq jumys berýshiler endi zańdy túrde óz qyzmetkerlerine hıdjap kıýge tyıym salatyn bolady. Bul másele Lúksembýrgtaǵy Eýropalyq sotta qaraldy dep habarlaıdy «Qamshy» portaly bbc.com-ǵa silteme jasap. Ony Eýropalyq joǵarǵy sot ınstansıasy qabyldady, sondyqtan bul qaýly qaıta qaralýǵa, shaǵym jasaýǵa jaramsyz.

«Adamnyń  belgili-bir dinı, saıası, fılosofıalyq kózqarastaryn bildiretin, kórsetetin atrıbýttardy taǵý, qoldanýǵa shekteý qoıýy tikeleı  dıskrımınasıa emes»- delindi sotta.

«Alaıda eger kompanıada osyndaı atrıbýttarǵa tyıym salynbaǵan jaǵdaıda, kelýshi klıentterdi hıdjab kıgen qyzmetkerlerdiń qyzmet kórsetýi mazalap, yńǵaısyz jaǵdaıǵa túsirse, ol dıskrımınasıa bolyp esepteledi»-dep atap ótildi. Iaǵnı, jumys berýshige emes, klıentterdiń qalaýyna da otyrǵan bul sheshim yńǵaıly jasalyp otyr.

Bul máselege baılanysty sot prosesiniń júzege asýyna sebepshi bolǵan Samıra Ashbıta esimdi Belgıa azamatshasy boldy.  Jumys istep júrgen kompanıasy  musylman oramalymen kelgen Samırany jumystan shyǵaryp jibergen. Samıra Ashbıta mundaı qarym-qatynasty óz quqyǵynyń shektelýi dep túsinip, sotqa aryzdanǵan. Alaıda, sot onyń talabyn qanaǵattandyrmady. 

Eýropa elderiniń birqatarynda musylman kıimderin, hıdjab kıýge tyıym salynǵan.