Sotta zardap shekken tarap – Mádenıet jáne sport mınıstrliginiń qyzmetkeri Serik Estıarovtan jaýap alyndy. Ol taǵylǵan aıyptardy tolyǵymen qoldady. Aıtarlyǵy, zardap shekken tarap jan-jaqty jáne obektıvti tergeý nátıjesinde aqsha jymqyrý faktileri tolyqtaı rastalǵanyn atap aıtty.
Tergeý barysynda «Qazaqfılm» AQ fılmdi túsirýge aldyn ala daıyndyq jumystaryn júrgizýge «T.K. Turan Universal Business» JSHS-ne 79 mln teńge aýdarǵany anyqtaldy. Sonyń ishinde 69 mln teńgeni atalǵan kompanıa arqyly kartınanyń bas dırektory Tuńǵyshbaı Jamanqulov jymqyrǵany dáleldendi. Naqtyraq aıtqanda, urlanǵan qarajat qosalqy merdigerlik uıymdardyń kómegimen qolma-qol aqsha túrinde T. Jamanqulovqa jetkizilip otyrǵan.
Serik Estıarovtyń aıtýynsha, búginge deıin Tuńǵyshbaı Jamanqulov 69 mln teńgeniń 5,3 mln. teńgesin memleket esebine qaıtardy.
