Almaty qalasynyń turǵyny, 7 synyp oqýshysy Elbasyǵa hat jazyp, ony feısbýk áleýmettik jelisinde jarıalady dep habarlaıdy "Qamshy" portaly. Hattyń avtorymen emes portal qyzdyń ákesimen tildesti. Bári hatta aıtylǵandaı bolyp shyqty. Eskere ketetin bir jaıt, bizdiń portal erkin oı-pikir alańy bolyp tabylady. Qarshadaı qyzdyń óz basynyń máselesin qozǵap, ádildik izdegen hatyn jarıalamasqa bolmaıdy. Degenmen ekinshi taraptyń da jaýabyn jarıalaýǵa daıynbyz.
"Asa Qadirli Nursultan ata! Siz bizdiń bolashaǵymyz úshin úlken jumys jasap jatyrsyz. Biraq, sizge qarsy, bizdiń bolashaǵymyzǵa qarsy adamdar meniń sábı júregimdi jaralady. Nursultan ata! Men Almaty qalasynyń turǵyny Qusaınǵazına Jamıla Naǵyzqyzy bolam. Meniń sizge ótinishim, meniń qolymdaǵy nanymdy Mańǵystaý obylysy Aqtaý qalasynda, 9-yqsham aýdany,4-úı, 90 páterde turatyn « VıKR plús» JSHS –niń qojaıyny Kryjanúk Vladımır Ivanovıch tartyp aldy. Bolashaǵymdy bulyńǵyr etti.
Anyǵyraq aıtsam: Kryjanúk Vladımır Ivanovıch ákem kásipker Qusaıynǵazyuly Naǵyzdyń 116 mllıon 159 myń 176 teńgesin bermeı otyr. Ákem bir neshe jyl sottasyp tentirep júrip ádildikke zorǵa jetti... Biraq sol aldamshyǵa zań oryndarynyń qýaty jeter emes. Ol meniń nanymdy jep, bostandyqta máz bolyp júr. Óz jerimizde ózimiz nege tonalýymyz kerek? Kim bizge kómektese alady?! Bizdiń otbasymyz tyǵyryqqa tireldi...
Siz, «Balalar bizdiń bolashaǵymyz»- deısiz, bolashaǵyńyzdyń qolyndaǵy nandy tartyp alǵan adamnan siz myqty emessiz be?! Maǵan kómektesińiz! Bolashaǵyńyzǵa kómektesińiz! Sol aqshany alyp berýge kómektesińiz! Sizden basqa úmitimiz joq!
Almaty qalasy, 55 mektep 7 synyp oqýshysy
Qusaınǵazına Jamıla Naǵyzqyzy kerege-kz@mail.ru 87474014658
