NATO bas hatshysy Anders Fog Rasmýssen "Máskeý eger Ýkraınanyń ishki isine kılige berýin toqtatpasa, halyqaralyq qaýymdastyq Reseıge qatań sanksıalar salýy tıis" dep málimdegen. Azattyqtyń jazýynsha, NATO buǵan qosa, Ýkraınanyń ózin qorǵaýyna 15 mıllıon eýro kóleminde kómek beretin (shamamen 20 mıllıon AQSH dollary) tórt qor qurylatynyn jarıalady.
Rasmýssen qorlar Kıevtiń tyldaǵy qajettilikterine, kıberkeńistigin qorǵaýyna, jaralanǵan jaýyngerlerin emdeýine jáne áskerge basshylyq jasaý jumystaryna kómektesetinin aıtqan. Onyń sózinshe, NATO Ýkraınanyń qorǵanys salasy reformalaryna keńes berip otyrady, biraq qarý-jaraq jetkizbeıdi. Sondaı-aq NATO músheleri Ýkraınaǵa qosymsha qarjy berýge mindettelgen.
Qamshy-aqparat
