Jekpe-jekten keıin Golovkın men Djeıkbos tilshilerge suhbat berdi. Biraq ekeýiniń aıtqany bir-birimen múldem sáıkes kelmeıdi. Sports.kz jańalyqtar qyzmetiniń málimdeýinshe, Denıel Djeıkbos tóreshńlerdńǵ úsheýi birdeı jeńisti Golovkınniń enshisine bergenine tańyrqap qaldy.
Tóreshilerdiń sheshimi boıynsha esep mynadaı boldy: 115:112, 114:113; 115:112. Amerkıalyq bokser Medıson Skver Garden arenasynda ótken jekpe-jekte óziniń jeńisine senimdi bolǵan. Alaıda, jeńis Golovkınge tıesili boldy.
«Árıne, bul boks. Jáne Golovkın menen góri halyqtyń nazaryna burynyraq iligip úlgergen», - dedi Djeıkbos.
«Men Golovkındi syılaımyn. Biraq, búgin taza jeńis maǵan tıesili. Tóreshilerdiń sheshimine qaramastan, men ózimdi búgingi jekpe-jekte chempıon boldym dep sezinemin».
Mansabynda birde-bir ret jeńilip kórmegen Gennadıı Golovkın sharshy alańda 36 jekpe-jek ótkizip, 33-in nokaýtpen aıaqtaǵan. Otandasymyz 2014 jyldyń maýsymynan bastap WBA nusqasy boıynsha sýperchempıon, 2011 jyldan bastap IBO nusqasy boıynsha Álem chempıony, 2015 jyldan bastap IBF nusqasy boıynsha Álem chempıony tıtýldaryna ıe. Al, 2016 jyly Saýl «Kanelo» Alvarestiń jekpe-jek ótkizýinen bas tartqannan keıin WBC nusqasy boıynsha Álem chempıony atandy.
Qarsylasy Denıel Djeıkobs - orta salmaq dárejesindegi WBA nusqasy boıynsha Álem chempıony (2014 jyldan bastap) jáne NABF nusqasy boıynsha Soltústik Amerıka chempıony (2010). Kásibı rıngte 33 jekpe-jek ótkizip, tek bir ret qana jeńilistiń ashshy dámin tatyp kórgen. Amerıkalyq boksshyny reseılik Dmıtrıı Pırog nokaýtqa jibergen bolatyn.
