Ata-ana úshin ýaqyt zyryldap óte shyǵady. Sábıin bosandy, ósirdi, jetildirdi, balabaqshaǵa apardy, mektepke apardy. Sóıtip júrgende kip-kishkentaı ǵana balasy úp-úlken azamat bolyp shyǵa keledi. Alaıda, ana men áke kózine bala árdaıym sábı bolyp kórinedi.

Osydan 18 jyl buryn Kennı men Bobbı Makkagıdiń birden 7 sábıi dúnıege keldi. Áıeldiń aıaǵy aýyr bolǵanda dárigerler balalardy aldyryp tastaýǵa kóndirmek bolǵan. Sebebi, 7 balany birdeı bosanýdy kótere almaýy da múmkin edi. Alaıda, ata-ana buny Allanyń bergen úlken syıyna balap, alyp tastaýdan bas tartady. Sóıtip, 1997 jyldyń 19 qarashasynda dúnıege shekeleri torsyqtaı 7 sábı keledi. 4 ul, 3 qyz... Bir kúnde... Bir ýaqytta... Álem úshin úlken jańalyq oryn alǵan kún boldy. Turǵyndar olardy eń batyl jandarǵa teńedi. 7 balany birdeı bosaný ekiniń biriniń qolynan kelmes edi.

Ol balalar búginde úlken azamat bolǵan. 18 jasqa toldy. Oqýǵa túsetin ýaqyttary jetti. Alaıda, 7 balasyn birdeı basqa qalaǵa, basqa óńirge jiberip qoıý ata-ana úshin qıynnyń qıyny emes pe? Bir balasy ketse shyryldap qalatyn ata-ana 7 balasyn oqýǵa attandyrmaq.

«Qamshy» portaly bir kúnde týǵan 7 baýyrdyń suhbatyn nazarlaryńyzǵa usynady.