Kosmetıka, tazalaýǵa arnalǵan jáne gıgıenalyq ónimder, parfúmerıa -  adamnyń kúndelikti ómirinde paıdalanatyn zattar.  Ony qoldana otyryp onyń qaıdan alynyp, qalaı jasalǵanyna kóp adam mán bermeıdi. Olardy  jasaý úshin  kóp jaǵdaıda myńdaǵan janýarlar  qurban bolady. Shampýn, kosmetıka jáne t.b zattarda tájirıbeden ótkizý úshin jan-janýarlardy paıdalanady.  

Kóp jaǵdaıda tájirıbe qoıandarǵa júrgiziledi eken. Sebebi olardyń baǵasy arzan. 1944 jyly Draızdy tekserýden ótkizý úshin ony albınos qoıandardyń kóz almasyna tamyzyp qoıan aǵzasynyń oǵan reaksıasyn kútedi eken. Aýrýdy basatyn dárilerdi ekpeıtini anyq. 24 saǵatqa sozylatyn tájirıbede qoıannyń basyn myqtap bekitip qoıady. Ol qyshyǵan jerin tyrnaı almaýy úshin qajet. Tájirıbe aıaqtalǵannan keıin qoıandy óltirip tastaıdy.

Itter men mysyqtarǵa da kóptegen tájirıbe ótkizedi. Olardy kóbine shampýn men tazalyqqa arnalǵan zattardy teksergende paıdalanady. Jyl  saıyn álemde osyndaı tájirıbelerden mıllıondaǵan janýar óledi.

Tájirıbe úshin janýarlardy paıdalanbaǵan ónimder kóbine ósimdikterden jasaıdy nemese basqa ádispen tekseredi. Olardy «aq tizimge» kirgizedi. Olardy ónimdegi belgiden kórýge bolady. Onda kóbine janýarmen tájirıbe júrgizilmedi dep jazylyp turady nemese janýardyń sýreti qyzyl belginiń ishinde bolady.