Nepal turǵyny Ramesh Dardjı dúnıege kelgende dárigerler odan eshqandaı erekshelikti baıqamady. Balanyń ata-anasy Nandı men Nat kópten kútken balasy dúnıege kelgende qýanyshtarynda shek bolmady. Alaıda balanyń dúnıege kelgenine 15 kún tolǵanda onyń terisi túse bastady.

Baglýnga dárigerleri balaǵa  naqty dıagnoz qoıa almady. Ony tájirıbeli mamandarǵa kórsetý qajet boldy. Ókinishke oraı, Nandı men Nattyń qarajaty bolmady. Sábıdiń jaǵdaıy  kúnnen-kúnge nasharlaı berdi.  Ramesh 5 jasqa tolǵanda ol barlyq denesi aýyratynyn aıtyp, shaǵymdanatyn. Ol mektepke barmady. Aýlaǵa shyqsa boldy balalardyń barlyǵy qorqyp qashatyn.

Ramesh 11-ge tolǵanda ol júre de, sóıleı de almaıtyn dárejege jetti. Ol ýaqytqa deıin ata-anasy onyń óte sırek kezdesetin ıhtızo aýrýyna shaldyqqanyn bildi. Anasy jumys istemeı balasyna qaraýǵa týra keldi. Al ákesiniń tapqany tamaǵy men páter aqysynan arylmaıtyn. Bir kúni bala týraly estigen jýrnalıser Ramesh týraly baǵdarlama túsiredi. Ony kórgen belgili ánshi oǵan kómektesýdi uıǵarady. Rameshti Nepal astanasy Katmandýǵa alyp keldi. Onda ony eldegi aldyńǵy qatarly mamandar emdeıdi.

Dárigerler ony erterek alyp kelý kerek ekenin aıtady. Desek te, ýaqyt óte kele bala sóılep, júre alatynyn aıtady. Rameshtiń oqýy da qolǵa alynatyn boldy.