Habarlaspaı ketkeniń durys boldy,

Kóńili tańǵy sýdaı salqyndasyn degen shyǵarsyń, 

Ońasha qaımyǵyp, án tyńdasyn degen shyǵarsyń. 

Menen basqa ómirdi de esine alsyn degen shyǵarsyń,

Egilip jylarsyń da basylarsyń degen shyǵarsyń. 

Maı aıynda basynan kúzdi ótkersin degen shyǵarsyń,

Súıetini shyn bolsa, izdep kelsin degen shyǵarsyń. 

Meıramda da qýanbaı, muńǵa batsyn degen shyǵarsyń,

Synyq júzden sýyq muz syrǵanatsyn degen shyǵarsyń. 

Meniń álsiz janymdy kúıreteıin degen shyǵarsyń, 

Qataldyqqa osylaı úıreteıin degen shyǵarsyń.

Bári de solaı boldy, jylaımyn men, 

Erise dep erterek muz bop qalmaımyn

Bári de solaı boldy, tek qana izdep barmaımyn

Men - názik gúlmin, sen - qulamaıtyn shynarsyń,

Biraq men shydaǵanda, oǵan sen shydamaıtyn shyǵarsyń!

Avtory: Kúlásh Ahmetova