"Qamshy" portalynda aqpannyń ekisinde Beıbitbek Búrkitbaıulynyń "Asanovqa ashyq hat! Qashanǵy «betpaq jeńdi, beıbaq kóndi» dep júre beremiz?" atty maqalasy jarıanǵan edi.
Bas prokýratýra men Eńbek, áleýmettik qorǵaý jáne kóshi-qon komıtetiniń Qyzylorda oblysy boıynsha departamentiniń (budan ári – Departament) sot aktisin oryndamaǵany jáne J. Beıbitbekke múgedektik belgileýden bas tartý jónindegi qorytyndysymen kelispeý týraly ashyq hatyn Bas prokýratýra qaraǵan. Qamshy.kz poshtasyna QR Bas prokýratýrasynan osy ashyq hatqa baılanysty resmı jaýap kelip tústi.
"2017 jylǵy 24 aqpanda Departamenttiń is-áreketin zańsyz dep taný týraly aryzyńyz Qyzylorda qalalyq sotynyń óndirisine qabyldanǵany anyqtaldy. «Qazaqstan Respýblıkasynyń sot júıesi men sýdıalarynyń mártebesi týraly» Konstıtýsıalyq zańnyń 1-babyna sáıkes sot isin qaraý tártibimen qaralýǵa tıis ótinishterdi, aryzdar men shaǵymdardy basqa eshqandaı organnyń, laýazymdy nemese ózge de adamdardyń qaraýyna nemese baqylaýǵa alýyna bolmaıdy. Osyǵan baılanysty Departamenttiń is-áreketine qatysty quqyqtyq baǵa sotpen beriledi" dedi QR Bas prokýratýranyń ókili.
