Eýrazıalyq Top (ERG) stýdenttik ortada jastar kásipkerliginiń eko-júıesin qurý jobasyn qolǵa alynǵanyn habarlaıdy. Kompanıanyń tyń bastamasy Aqtóbe qalasynda stýdenttik kásipkerldikti damytýǵa arnalǵan dóńgelek ústel barysynda kópshilikke tanystyryldy.
Talqylaýǵa QR Bilim jáne ǵylym mınıstrligi, QR Investısıalar jáne damý mınıstrligi, Aqtóbe oblysynyń ákimdigi, QR kásipkerleriniń «Atameken» ulttyq palatasy, «Damý» kásipkerlikti damytý qory» AQ, Eurasian Resources Group, úkimettik emes uıymdar, aımaqtaǵy joǵary oqý oryndary men jergilikti bıznes qaýymdastyǵynyń ókilderi qatysty.
Keleshek 4.0 ındýstrıasynyń negizgi qateri – halyqty eńbekpen qamtý. Eýrazıalyq Top osy túıtkildi istiń túıinin tarqatý úshin tyń sheshim – shaǵyn qalalardaǵy belsendi ári isker jastardy damytýdy usynyp otyr. Osy oraıda, bıznesti júrgizýdiń áleýmettik jaýapkershiligi qaǵıdalaryna súıenetin ERG kompanıalary ózderi ornalasqan óńirlerdegi joǵarǵy oqý oryndarynyń kásipkerlik baǵytqa ıkemdelip, transformasıalanýy qolǵabys etip, «Stýdenttik ortada jastar kásipkerliginiń eko-júıesin qurý jobasyn» júzege asyra bastamaq.
Jańa baǵdarlama degenimiz seriktes ýnıversıtetterdi qarjylandyrý emes. Kerisinshe, ERG oqytý trenıńteri men kýrstaryna jetekshi koýchterdi tartyp, jumyldyrý mindetin óz moınyna alady. Belsendi stýdentterge mentorlardy belgilep, jaalyndy jastarǵa óz ıdeıalarynyń ekonomıkalyq tıimdiligin esepteý daǵdylaryn úıretedi. Qajet bolǵan jaǵdaıda ǵımarattaryn tehnoparkter men zerthanalardyń qajetine berip, barynsha septespek.
– Biz jastardyń, sonyń ishinde stýdentterdiń kásipkerlik bastamalary Qazaqstan ekonomıkasynyń negizgi ınovasıalyq damý faktorlarynyń birine aınalaryna nyq senimdimiz,– dedi Eýrazıalyq Top basqarma tóraǵasynyń personal jáne áleýmettik jumys jónindegi orynbasary Irına Daýletbakova. – Osy oraıda biz joǵarǵy oqý oryndary men Toptyń stýdenttik kásipkerliktiń eko-júıesin qurý baǵytyndaǵy áriptestiginiń tıimdi tetikterin ázirledik. Eń bastysy bul jerde osy áriptestikti durys janama deńgeıde uıymdastyra bilý.
ERG–diń stýdenttik kásipkerlikti qoldaýǵa baǵyttalǵan qanat qaqty jobasy S.Toraıǵyrov atyndaǵy Pavlodar memlekettik ýnıversıteti bazasynda sátti synaldy. İlkimdi iske Tel-Avıv Ýnıversıteti (TAÝ) men Qazaqstandaǵy Tel-Avıv Ýnıversıteti dostarynyń qaýymdastyǵy septigin tıgizdi. Nátıjesinde bastamanyń ómirsheńdigi men ózektigini aıqyn ańǵaryldy.
Baǵdarlamanyń tusaýkeserinen keıin ERG jobasyna qatysatyn, irikteýden ótken joǵarǵy oqý oryndary-seriktester tizimi jarıalandy.
– Biz jumyla kirissek, stýdenttik kásipkerliktiń eko-júıesin qura alatynymyzǵa kámil senimdimiz. Ári óz kezeginde ol belsendi ómirlik ustanymdary bar túlekterdi shyńdap, olardyń shynaıy kásipkerlik ortaǵa kirigýine zor yqpalyn tıgizedi,– dep túıindedi I. Daýletbakova.
