Elimizdiń ishki mıgrasıasy men ýrbanızasıa jaǵdaıyna depýtat Nurtaı Sabılánov alańdaýshylyq bildirdi. Bul týraly kaz.tengrinews.kz habarlady. Depýtat: «Sońǵy kezde Qazaqstannyń birneshe aımaqtaryndaǵy aýyl halqynyń kóshý úderisi tym jıilep barady. Kóptegen adamdar turǵylyqty jerin tastap, qalaǵa qaraı aǵylýda. Ásirese olardyń basym kóbi Almaty men Astanaǵa qaraı qonystanýǵa umtylyp otyr», - degen.

Halyq qalaýlysynyń aıtýynsha, elimizde halyq sany ulǵaıyp kele jatqanyna qaramastan, Qazaqstannyń keıbir aımaqtaryndaǵy halyq sany meılinshe azaıýda. Onyń esebinshe, sońǵy on jylda Soltústik Qazaqstan oblysynan 100 myń adam kóship ketken, al Shyǵys Qazaqstannan -60 myń, Qostanaı oblysynan -35 myń, Aqmola oblysynan -15 myń adam basqa aımaqtarǵa qonys aýdarǵan. Eger osylaı jalǵasa beretin bolsa, onda tutastaı eldimekenderdiń barlyǵyn Qazaqstan kartasynan syzyp tastaýǵa týra keledi eken. "Máselen, sońǵy bes jylda Shyǵys Qazaqstanda 70 mektep jabylǵan. Bul degenimiz, 70 jýyq eldimeken ıesiz qaldy degendi bildiredi", - deıdi depýtat.

Májilis depýtatynyń pikirinshe, qańyrap qalǵan aýyldardyń boıyna qaıta qan júgirtý úshin ol jaqqa qaraı oralmandardy tartý kerek.  Bul rette memleket oralmandardy bosaǵan aımaqtarǵa jiberip, onda olarǵa qolǵabys etýi tıis. Statısıka komıtetiniń málimetinshe, 2014 jyldyń 1 shildesinde Qazaqstan halqynyń sany 17 mıllıon 284 myń adamǵa jetken. Onyń ishinde qala halqy - 55,1 paıyz, al aýyl halqy - 44,9 paıyzdy quraıdy.

Qamshy-aqparat