4 sáýirde Sırıanyń soltústik-batysyndaǵy Idlıb provınsıasynyń kóterilisshiler baqylaıtyn Han-SHeıhýn qalasynda hımıalyq shabýyl saldarynan qaza tapqandardyń sany 72-ge deıin jetti – onyń 20-sy balalar, al 17-si áıel adamdar, dep habarlady "Qamshy" aqparattyq agenttigi Brıtanıanyń Adam quqyqtaryn qorǵaý jónindegi ortalyǵyna silteme jasaı otyryp.

Quqyq qorǵaýshylardyń málimetinshe, bul naqty san emes, iz-tússiz joǵalyp ketken adamdar áli de bar, olar tiri bolmaı shyǵýy múmkin.

Seısenbi kúni kúndiz Han-SHeıhýn qalasynda bombalaý bolǵan edi. Sırıa belsendileriniń habarlaýynsha, Sırıanyń soltústik-batys bóligine bombalaǵan sırıalyq áskerlerdiń ushaǵy nemese reseılik avıasıa. Avıa soqqysynan keıin Jer betindegi adamdar tunshyǵa bastaǵan.

Kórgenderdiń aıtýynsha, adamdar tunshyqqannan qusyp, aýyzdarynan kóbik shyǵyp jatty. Keıbirinen tipti qozǵalys baıqalmaǵan.

Opozısıa belsendileri ushaqtar zymyrandaryn aýyr haldegi adamdar emdelip jatqan jergilikti aýrýhanaǵa qulatqan deıdi.

Sırıa áskeri ózderin hımıalyq shabýylǵa qatysy joq ekenderin alǵa tartyp otyr. Al, Reseı áskeri Sırıa avıfsıasynyń terrorısterdiń hımıalyq qarý jaraqtary saqtalǵan úlken qoımasyna soqqy jasaǵanyn aıtady.

BUU-nyń áskerı qylmystardy tergeýshi mamandary Sırıanyń Idlıb provınsıasyndaǵy birneshe adam qaza tapqan yqtımal hımıalyq shabýyldy tekserýge kirisken. BUU-nyń Sırıa boıynsha arnaıy ókili Staffan de Mıstýranyń habarlaýynsha, barlyq aıǵaqtar shabýyldyń «hımıalyq shabýyl bolǵanyn jáne onyń áýeden jasalǵanyn» kórsetip tur. Búgin BUU Qaýipsizdik keńesi oqıǵany talqylaý úshin shuǵyl jıyn ótkizedi.

AQSH prezıdenti Donald Tramp resmı málimdeme jasap, shabýyldy «aıyptaıtyn jaǵdaı» dep atady jáne ony «elemeı qoıa salýǵa bolmaıdy» dep málimdedi. Ol Sırıa prezıdenti Bashar Asadtyń «jeksuryndyq qylyǵynyń» jaýapkershiligin ózi «álsizdik tanytty jáne batyl bolmady» dep aıyptaǵan burynǵy prezıdent Barak Obamanyń ákimshiligine artqan.

AQSH memlekettik hatshysy Reks Tılerson Sırıa úkimetiniń negizgi odaqtastary ári Sırıadaǵy bitimge kepil Reseı men Irannyń Idlıbtegi shabýyl úshin úlken moraldyq jaýapkershilik arqalaıtynyn málimdedi. Ol Máskeý men Tegerandy mundaı shabýyldardyń qaıtalanbaýyna yqpal etýge shaqyrdy.