37 jastaǵy Sandra Pedro júktiliktiń 4-shi aıynda aýrýhanaǵa basynyń qatty aýyrǵandyǵyn aıtyp barady. Birneshe saǵattan keıin dárigerler Sandranyń mı bóliginiń ólip qalǵanyn anyqtaǵan. Sandra Pedro gemmorragıalyq ınsýlttyń saldarynan qaıtys boldy dep jazady "Qamshy" aqparattyq agenttigi.

Onyń máıitin tekserý barysynda qursaqtaǵy balanyń áli tiri ekendigi anyqtalǵan. Muny bile sala dárigerler Sandranyń ókpesin jasandy aýa júrgizetin apparatqa qosyp, azyq pen gormondardy kúre tamyrdan jiberip otyrǵan. Sandra Pedroǵa qaraıtyn meıirbıke men meıirger sharananyń ózin tastandy sezinbeýi úshin ananyń ishine massaj jasap, sábıge án, ertegi aıtyp, mýzyka qoıatyn.

Dárigerler qursaqtaǵy balanyń durys jetilip jatqanyn baıqaıdy. Kishkentaı Lorenso maýsym aıynyń basynda dúnıege keldi. Ony ananyń ishin kesip aldy. Bala ólgen anasynyń qursaǵynda 107 kún ótkizgen. Lorenso - áıeliniń dúnıeden ozǵanyn aýyr qabyldaǵan ákesine jańa úmit pen baqyt syılady.  

Dárigerler buǵan deıin mundaı jaǵdaı tájirıbesinde bolmaǵanyn aıtady. Olar sábıdiń alǵashqy jylaǵan daýysyn eshqashan umytpaıtyndaryn aıtady.

Bala dúnıege kelgennen keıin Sandranyń apparatyn birden óshirip tastaıdy. Kelesi kúni ony jer qoınyna tapsyrdy.