"Qamshy" aqparattyq agenttigi erkin oı-pikir alańy ekendigin esterińizge sala keteıik. 

"Baıqap qarap otyrsań, latyn álipbıi bizge bolashaǵymyz úshin óte kerek nárse eken. Latyn álipbıimen ósken urpaq orystyń árpi men tiline telmirgendi qoıyp, sanasy otarsyzdanady da, álemdik naryqty ıgere bastaıdy. Iaǵnı, "orys álemimen" baılanysyn úzip, quldyq psıhologıanyń qamytynan qutylady. Dál qazir osy quldyq psıhologıa eki-aq nársege súıenip tur. Orystyń tili men alfavıtine. Eger ekeýin alyp tastasaq, otarsyzdaný (dekolonızasıa) prosesi ózi-aq tabıǵı túrde jalǵasyp kete beredi eken... Buryn buǵan mán bermeppin. Ázirbaıjan men Grýzıadaǵy reformalarǵa qarap otyryp, olardyń az ǵana ýaqytta osyndaı jetistikke jetkenin baıqadym. Ony ózderi de sezbeıtin sekildi. Myna kırıllısa «orys áleminiń» kúretamyry ekenine endi kózim jetip otyr. Ótken ǵasyrdyń basynda otarshyldar qazaqty dúbáralaı túsý úshin birneshe ret alfavıtin aýystyrǵany sekildi, orysquldyqtan da onyń álipbıiniń kózin qurtsaq qana qutylamyz. Komýnıser de kezinde halyqty ótkenin oqı almaıtyndaı etip dúmshelep jiberý úshin eń aldymen alfavıtin aýystyryp, zamandas bolǵan birneshe urpaqty biriniń jazǵanyn biri túsinbeıtindeı qylyp jibergen ǵoı. Bizge de alda dál osyndaı taktıkany qoldanyp, jastarǵa «pereformatırovanıe» jasaý kerek. Kırıllısany alyp tastasaq, keıingi býyn da ótken quldyq kezeńmen baılanysyn úzip, jańa ıdeologıaǵa beıimdele bastaıdy...."

Jolymbet Mákishtiń feısbýk paraqshasynan