Taılandtyq Kaná Sesser – eki aıaqsyz dúnıege kelgen múgedek qyz. Ata-anasy qyzynyń múgedek bolyp dúnıege kelerin bilgen kúni-aq ony jetimder úıine ótkizý jaıynda josparlap qoıǵan. Solaı istedi de. Alaıda, ómirde meıirimdi adamdardyń bary qýantady. Qyzdyń jasy 5-ke tolǵanda, ony erli-zaıyptylar asyrap alady. Sóıtip, qyz AQSH-taǵy óziniń jańa otbasymen qaýyshyp, ózine bóten adamdardyń mahabbatyna keneledi. Ýaqyt jyljı beredi. Biraq, boıyndaǵy kemistikke qaramastan Kaná eshqashan da berilmegen. Sóıtip, 23 jasynda sport jáne modeldik ónerdiń shyńyn baǵyndyrdy.

«Qamshy» aqparattyq agenttigi dúnıege kele sala úlken synǵa ushyraǵan qyzdyń ómiri jaıynda málimetti nazarlaryńyzǵa usynady.  

Búginde Kaná ish kıimderdi jarnamalap júr. Tipti, keıbir on eki múshesi saý adamdardyń qasynda qyrýar aqsha taýyp jatqan kórinedi. Múgedekterge arnalǵan arbamen júrýdiń ornyna  qyz skeıtbormen júrip, alda bolatyn olımpıada oıyndaryna daıyndalý ústinde.

«Meniń kemistigim boıymdaǵy sulýlyǵymdy kórsetýime kedergi keltirgen emes. Kerisinshe, osylaı dúnıege kelgenime qýanyshtymyn Sebebi, eki aıaǵymnyń joqtyǵy alǵa jyljyp, bıikterdi baǵyndyrýyma, belsendi bolýyma maǵan kúsh beredi» deıdii Kaná.

«Ómir qandaı jaǵdaıǵa ákelip soqtyrsa da – moıymańyzdar» dep ápke-sińlilerine aqylyn aıtady.

Bárin de jeńip shyǵa alatyn kúshińiz bar ekenine senińiz. Sáttilik tek kúshti adamdarǵa qonady. Ómirdegi bar soqpaqty ótkergińiz kelse, ózińizden buryn rýhyńyz myqty bolsyn.