«Qamshy» portalynyń kezekti ınternet-konferensıa qonaǵy - bokstan álemdik arenalarda qazaq atyn shyǵaryp júrgen qandasymyz Qanat Islam. Búgin, túngi 2:00-de otbasymen birge Almaty áýejaıyna kelip qonǵan Qanat Islamdy týysqandarymen qatar bir top jýrnalıser qarsy  aldy. Ýaqytsha demalysqa elge kelgen kúrzi judyryq ıesi ekinshi ret «Qamshy» portalynyń ınternet-konferensıa qonaǵy bolyp, oqyrmandarmen ashyq suhbat jasaýǵa kelisimin berdi.

Qanat Islam – 1984 jyly, 13 qyrkúıekte Qytaıdyń Altaı aımaǵy, Qaba aýdanynda dúnıege kelgen. Ol Qytaı ulttyq quramasynyń quramynda Pekın Olımpıadasynyń qola júldegeri, Chıkagoda ótken Álem chempıonatynyń (2007) jáne Azıa oıyndarynyń (2006) qola júldegeri. Qytaıdyń 10 dúrkin chempıony boldy. 2010 jyly Qazaqstan azamattyǵyn aldy. 2012 jylǵa deıin «Astana arlandary» kásibı klýbynyń múshesi boldy. London olımpmádasyna qatysa almaǵan Qanat Islam 2012 jyly qyrkúıekt aıynda kásipqoı boksqa bet buryp, AQSH-tyń «Nelsons» promoýterlik kompanıasymen shartqa otyrdy. Ol muhıttyń arǵy betinde 18 kezdesý ótkizip, bárinde jeńiske jetti, 15 jekpe-jegin nokaýtpen aıaqtady. Sońǵy jeńisinen keıin WBA reıtınginde 7 satyǵa kóterilgen Qanat Islamnyń Álem chempıony ataǵyna talasý múmkindigi bar, ol úshin qandasymyz reıtıgngi joǵary taǵy 22 bylǵary qolǵap sheberin sharshy alańda jeńýi kerek. Maıamıde jattyǵyp júrgen Qanat Islam úsh balanyń ákesi, ázirge kenjesi AQSH-ta dúnıege kelgen.