QR Parlament Senatynyń depýtaty Qýanysh Aıtahanov qazaqtyń ulttyq sýsyndary - qymyz ben shubat týraly zań qabyldaýdy usyndy. "Qymyz ben shubat bizdiń ultymyzdyń kóneden kele jatqan sýsyny. Osy sýsyndardy ázirleý úshin ǵasyrlar boıy jylqy men túıeni qalaı baptaý kerektigi tájirıbe retinde qalyptasty. Qymyz ben shubat adam densaýlyǵyna óte paıdaly. Olardy týberkýlezdi emdeý kezinde, baýyr, asqazan, júrek aýyrǵanda, qan tamyrlary aýrýyn emdeýde paıdalanady" degen Aıtahanov depýtattyq saýalyn QR Premer-mınıstrine baǵyttap.

Baq.kz-tiń jazýynsha deptýtat, keńestik kezeńde jylqy men túıe sharýashylyǵyna, qymyz ben shubat óndirý isine durys kóńil bólinbegenine toqtalǵan. Senator sondaı-aq,  mindetti túrde ózimizdiń ulttyq brendti jasaý kerektigin de qosa aıtqan: "Biz babadan qalǵan muraǵa ún qosyp, ózimizdiń ulttyq brendti jasaýymyz kerek. Sondaı-aq, qymyz ben shubat týraly zańdy da qabyldaý qajet. Atalǵan zańda biz sýsyndardyń daıyndalý jolyn kórsetip, barlyq talaptardy engizýimiz tıis. Sharýalardy yntalandyrý úshin memleketten jeńildikter qarastyrǵan jón"

Qamshy-aqparat