Bıll jáne Melında Geıtstiń qaıyrymdylyq qory Batys Afrıkadaǵy Ebola indetimen kúresý úshin $50 mln. baǵyttaıdy. Bul týraly QazAqparat jazdy.
«Sońǵy 7-10 kúnde keseldiń taralý kólemi men jyldamdyǵy artýda», - degen qor damý bóliminiń prezıdenti Krıs Elıas. Qor ókilderiniń sózine qaraǵanda, barlyq qarajat BUU-na, Dúnıejúzilik Densaýlyq Saqtaý Uıymyna (DDSU), aýrýlardyń aldyn alý jáne baqylaý boıynsha amerıkandyq ortalyqqa jáne vırýspen kúresip jatqan ózge de halyqaralyq uıymdarǵa joldanady.
Ebola aýrýy (EVD) nemese Ebola gemorragıkalyq lıhoradkasy (EHF), ebolavırýs sebepshi bolatyn adamdar men prımattardyń aýrýy. Aýrýdyń alǵashqy belgileri eki kúnnen úsh aptaǵa deıingi aralyqta kórinedi. Bulshyqet pen bas aýrýymen birge júretin qyzba (lıhoradka). Ádette dıareıa, qusý bastalyp, baýyr men búırekteri isten shyǵady. Osy ýaqytta naýqastyń aǵzasynda ishteı jáne syrtta qan aǵý bastalady. Vırýs juqpaly janýar nemese naýqas adamnyń suıyqtyǵy arqyly beriledi. Tabıǵa ortada aýa arqyly taralý jaǵdaıy tirkelmegen. Ósimdik jarqanattary arqyly taralady, biraq olarǵa aýrýdyń vırýstary áser etpeıdi. Aýrýdy emdeıtin arnaıy em ázirge joq. Ázirge naýqas adamdardy emdeýde regıdrasılályq terapıa jáne aǵzaǵa kerekti qorekterdi júıe quıý paıdalanylady. Aýrýdyń qaýiptilik deńgeıi joǵary, naýqastardyń 50% men 90% aralyǵynda qaıtys bolady. Ebola aýrýy alǵash ret Sýdan (qazirgi Ońtústik Sýdan) men Kongoda tirkelgen.
Bıll Geıts — Forbs jýrnaly boıynsha álemdegi ekinshi baı adam. Onyń baılyǵynyń eń bıik shyńy 120 mlrd. dollarǵa deıin jetken edi. «Maıkrosoft» aksıalaryna bırjalyq baǵalardyń aýytqýyna baılanysty Geıts sanaýly sekýndtar ishinde mıllıardtaryn joǵaltyp, ony qaıta qalpyna keltire aldy. Memleket «Maıkrosoftpen» sottasady, al prezıdentter Geıtsti qurmetpen qabyldaıdy. Alaıda qazir ol aqsha tabýdan góri, joqshylyqpen kúreske aqshasyn jumsaýǵa erekshe mán berýde. Geıts ósıet hatyna sáıkes onyń úsh balasynyń árqaısy tek $10 mln. alady. Qalǵany onyń kenje balasy qaıyrymdylyq qorynyń enshisine tıedi. Microsoft júıeleri álemde paıdalanylatyn kompúterlerdiń 93%-da ornatylǵan. Monopolıaǵa qarsy komıtettiń talaby boıynsha Prezıdenttikten bas tartqan Bıll Geıts qazirgi kezde kompanıanyń basqarýshylarynyń biri jáne baǵdarlamalyq qamsyzdandyrý ónimderin daıyndaý boıynsha bas ınjener bolyp tabylady. Sonymen qatar, ol kompanıa aksıalary bóliginiń úlken úlesiniń ıesi. Búgingi tańda ol 61 mıllıard dollardyń ıesi jáne Forbes tiziminde baılyǵy boıynsha 2-shi oryndy alady.(Qazaqsha Ýıkıpedıadan)
Qamshy-aqparat
