Qazaqstandyq zańger Asqar Qaımaqov Reseıdiń bas prokýratýrasyna óziniń LDPR fraksıasynyń jetekshisi Vladımır Jırınovskııdi atyshýly málimdemeleri úshin qylmystyq jaýapkershilikke tartý týraly aryzyn beıjaı qaldyrmaýdy surap, hat joldaǵan. Bul týraly  Tengrinews.kz jazdy.  2014 jyldyń aqpanynda Jırınovskıı Qazaqstanǵa qatysty birneshe orynsyz málimdeme jasap, "Orta Azıada eshqandaı respýblıka bolǵan joq. Ortaazıalyq federaldyq okrýg - basty qalasy Vernyı! Búginde onyń basqa ataýy bar, Alma-Ata - meniń týǵan qalam. Ol ataýdy Ózbekstan, Qyrǵyzstan, Tájikstan, Túrikmenstan jáne Qazaqstan oılap tapty. Ortaazıalyq federaldyq okrýg!" – degen bolatyn. Ótken aıdyń sońynda da «qazaq dalasyn orys áskeri qorǵady » degen edi.

Zańger RF bas prokýratýrasyna 2014 jyldyń naýryzynda shaǵym joldaǵanyn eske saldy. Onda Qaımaqov Jırınovskııdi Reseı Qylmystyq kodeksiniń úsh baby boıynsha jazalaý kerektigin atap kórsetken: "Jekkórinishti nemese dushpandyqty qozdyrý jáne adamnyń ar-namysyn qorlaý", "Kópshilik aldynda ekstremıstik qyzmetke úndeý" jáne "Kópshilik aldynda basqynshylyq soǵysty týǵyzýǵa úndeý". Qaımaqov mamyr aıynda RF bas prokýratýrasynan jaýap aldy. Onda zańgerge onyń haty tergeýaldy tekserý júrgizý úshin Reseıdiń Tergeý komıtetine joldanǵany jazylǵan. Qaımaqov budan keıin eshqandaı hat-habar almaǵan.Reseıdiń bas prokýratýrasyna jazǵan kelesi hatynda zańger qylmystyq is júrgizý zańnamasynyń talaptaryn buzǵan RF Tergeý komıtetiniń laýazymdy tulǵalaryna qatysty shara qoldanýdy jáne olardy qabyldanǵan prosesýaldyq sheshim týraly qaýlynyń kóshirmesin shaǵymdanýshynyń mekenjaıyna jiberýge mindetteýdi suraıdy Qamshy-aqparat