Sot oqýshylardyń qylmys bolǵan ýaqytta messendjer arqyly jazysyp otyrǵandaryn dáleldegen WhatsApp kompanıasynyń aqparatyn qabyldamady.

Tekeli qalasynyń úsh oqýshysy muǵalimdi soqqyǵa jyqqandary úshin zań aldynda jaýap berdi, dep habarlaıdy «Qamshy» aqparattyq agenttigi informburo.kz jańalyqtar qyzmetine silteme jasap.

15 jastaǵy Súndet, 16 jastaǵy Erjan Esenbekov, sondaı-aq, 15 jastaǵy Súleımen Tileýjanov muǵalimdi soqqyǵa jyǵyp, odan qalmaı tonaǵandary úshin bas bostandyǵynan aıyrý jóninde úkim shyǵardy.

«Oqýshylardyń biri kúsh qoldaný arqyly tonaǵany úshin 1 jylǵa bas bostandyǵynan aıryldy. Al, qalǵan ekeýi muǵalimniń densaýlyǵyna zıan keltirgenderi úshin 5 jylǵa sottaldy» dep habarlady Almaty oblystyq sotynyń baspasóz hatshysy Aınash Rahymbaeva.

Sot úkimi zańdy kúshine engen joq. Jigitterdiń qorǵaýshylary atalǵan iske baılanysty qaıta qaraýdy usyndy. Jigitterdiń ózi sot úkimin ádiletsiz dep tanyp, qateliktiń qurbany bolǵandaryn alǵa tartty.

«Biz qylmys bolǵan ýaqytta Whats App jelisi arqyly sóılesip jatqanbyz. Sol úshin AQSH-tyń Kalıfornıa shtatyndaǵy qoldaý qyzmetine júgindik. Proseske Almaty qalasynan arnaıy mamandardy shaqyrdyq. Olar bizdiń sol ýaqytta úıde otyrǵanymzdy, sondaı-aq qylmys bolǵan jerden bizdiń ara-qashyqytymyzdyń birshama alys ekenin dáleldedi. Alaıda, sotta ol dálelder qaraýsyz qaldy», dep pikirin bildiridi aıyptalýshylardyń biri Erjan Esenbekov.

«Araǵa úsh aı salyp iste taǵy bir kýáger paıda boldy. Onyń ústine, sotta ol es-tússiz jatqan muǵalimdi dalada qaldyryp, tonap ketken. Olar túnniń ishinde  buzaqylardyń túrin kórgen, alaıda túngi 12-de qalada jaryqty sóndirip tastaıdy. Ony kýáger de, turǵyn úı sharýashylyq qyzmetiniń salasy da dáleldep otyr» deıdi qorǵaýshy Talǵat Janbolatov.

Soqqyǵa jyǵylǵan muǵalim Berdibek Tursynbek qandaı da bir derek berýden bas tartty. Onyń ókili Baýyrjan Ábdrasov aıyptalýshylar men olardyń qorǵaýshylarynyń aıtqan derekteri negizsiz deıdi.

Onymen qosa, oqýshylar oqıtyn mektep qyzmetkerleri de, birge oqıtyn synyptastary da oqýshylardyń mundaı áreketke barǵandaryna senbeıdi, aryz berýge daıyndalyp otyrǵan kórinedi.

«Biz balalardyń kináli ekenine senbeımiz. Olar belsendi oqýshylar, sabaqtaryn da jaqsy oqıdy, qalalyq, aýdandyq is-sharalardyń bárinde atsalysyp júredi. Qandaı da bir qylmysqa barady degen oı negizsiz. Sondyqtan, ata-analar, mektep mekemesi, qorǵaýshylar – bárimiz birigip isti qaıta qaraýǵa tapsyratyn bolamyz» dep aıtty mektep dırektory Elmıra Imanberdıeva.