Qazaqstannyń Reseıdegi elshisi sheteldik áriptesterin qabyldady.
Qazaqstan Respýblıkasynyń Reseı Federasıasyndaǵy Tótenshe jáne Ókiletti elshisi Imanǵalı Tasmaǵambetov 5 sáýirde Reseıdegi Bosnıa jáne Gersegovına elshisi Mýstafa Mýezınovıch pen Ekvatorıaldy Gvıneıa elshisi Hose Esono Mıchý Akengany qabyldady, - dep habarlaıdy "Qamshy" aqparattyq agenttigi Qazaqstannyń Reseıdegi elshiligine silteme jasap.
Mýstafa Mýezınovıchpen kezdesý kezinde eki jaqty ınvestısıalyq yqpaldastyq máselesi talqylandy.
Negizgi taqyryp energetıka salasyndaǵy yntymaqtastyqty damytý boldy.
Taraptardyń eki jaqty baılanystardy belsene júrgizýge jáne eki memlekettiń halyqaralyq arenadaǵy qatynastaryn keńeıtýge ázir ekendigi ataldy.
Qazaqstan Elshisi qonaqty Qazaqstandaǵy áleýmettik-ekonomıkalyq jańǵyrtýdyń barysymen tanystyrdy, sondaı-aq, eýrazıalyq ıntegrasıanyń ózekti aspektilerin baıandady.
Qazaqstan men Ekvatorlyq Gvıneıa arasyndaǵy dıplomatıalyq qatynastardyń damýy máseleleri Tótenshe jáne Ókiletti Elshi Hose Esono Mıcha Akengamen kezdesýde talqylandy. Atap aıtqanda, onyń Qazaqstandaǵy óz eliniń dıplomatıalyq ókildiginiń basshylyǵyna kelisý sharalary boıynsha jumys bastaldy. Sondaı-aq, dıplomattar saýda-ekonomıkalyq qatynastardy belsendi júrgizý jáne Ekvatorlyq Gvıneıanyń úkimettik delegasıasynyń Qazaqstanǵa is-saparyn uıymdastyrý aspektilerin talqylady.
Qazaqstan Elshisi óz tarapynan "EKSPO-2017" Halyqaralyq mamandandyrylǵan kórmesine qatysýǵa shaqyrdy.
Imanǵalı Tasmaǵambetov 2017 jyldyń 3 aqpanynda Qazaqstannyń Reseıdegi elshisi bolyp taǵaıyndaldy. Nursultan Nazarbaev bul taǵaıyndaý Tasmaǵambetovtyń óz suranysymen bolǵandyǵyn aıtqan edi.
