Astana qalasynyń «Esil» İİB-na «baýyr sırrozy» dıagnozy qoıylǵan bir jasar balanyń qaıtys bolǵandyǵy týraly habarlama túsken. Qytaı medısınasyn nasıhattaıtyn «Qalalyq ınfeksıalyq balalar aýrýhanasy» osy oryn alǵan oqıǵaǵa kináli bolyp otyr. Bul týraly aqparatty «Qamshy» aqparat agenttigi Today.kz-ke silteme jasap habarlaıdy.
Tergeý málimetteri boıynsha belgili bolǵandaı, balanyń ata-anasy halyq medısınasy kómegine júginýdi jón kórip, osy atalǵan aýrýhanaǵa qaralmaq bolǵan. Balanyń organızmindegi leıkosıterdiń kólemin azaıtý maqsatynda aýrýhanadan tamyr arqyly 5 kún boıy ekpe alǵan. Sonymen birge, qytaılyq bıologıalyq qospalardy da kúnine 2 retten qabyldaǵan. Osy qabyldaǵan emniń nátıjesinde 1 jasar bala kóz jumǵan.
Endigi ýaqytta, atalǵan aýrýhanany lesenzıasynan aıyrý máselesi boıynsha áreketter júrgizilip jatyr. Sonymen qatar ortalyqty ákimshilik jaýapqa tartylý negizinde 56 725 teńge, 294 970 teńge kóleminde aıyppul salyndy.
