Jas er-azamattar úshin eki aı tósekte jatatyn bos jumys orny ashyldy. Bul úshin €16 000 tólenetin bolady, dep habarlaıdy «Qamshy» aqparattyq agenttigi.

Jumysty Týlýzadaǵy (Fransıa) kosmostyq medısına jáne fızıologıa ınstıtýty mıkrogravıtasıanyń áserin tekserý maqsatynda usynyp otyr.

20 jáne 45 jas aralyǵyndaǵy deni saý er adamdardy qabyldaıdy. Tájirıbege qatysýshylar 60 kún boıy tósekte qozǵalmaı jatýy kerek. Jáne aıaqtary deneden bıigirek ornalastyrylady. Shart boıynsha olar osy qalypta tamaqtanyp, osy qalypta jýynýy tıis.

Ǵalymdardyń aıtýynsha, tájirıbeniń maqsaty áýede júrgen kezderinde ǵaryshkerlerdiń bulshyq etteri qozǵalystaryn, ózgeristerin taný. Olar osy arqyly ǵaryshta bulshyq ettiń zaqymdanýyna qarsy preparat oılap tappaqshy.