Astanadaǵy 1 jasar balanyń ólimine sebepshi bolǵan qytaılyq medısına baǵytyn ustanatyn ortalyqtyń dárigeri týraly derekter paıda boldy. Bul týraly «Qamshy» aqparat agenttigi informburo.kz-ke silteme jasap habarlaıdy. Belgili bolǵandaı dáriger qabyldaýǵa tıisti dáriler tizimin tek qytaısha jazady eken. Osyǵan deıin adamdardy qytaı tilinde konsýltasıalaǵan eken.
Astana qalasynyń Esil aýdanynyń prokýrory Talǵat Aıtbaev bala ólimine qatysty derekterdi jarıa etti.
«Medortalyq pedatrıa, ınemen emdeý, massaj sıaqty qyzmetter kórsetýge lısenzıasy bolǵan. Bul ortalyqta Qytaı shyǵaratyn sertıfıkasıasy joq BAD(bıologıalyq qospalar)ónimderi paıdalanylǵan.
Sonymen berge dál osy emdik dárilerdiń barlyǵyn dáriger tek qytaı tilinde ǵana jazyp taratqan. Osy arqyly «Tilder týraly» zańdy buzǵan.
Dáriger Qytaıda turǵan etnıkalyq qazaq eken. Prokýratýra sheshimi boıynsha, ortalyq ákimshilik jaýapqa tartyldy. Sot sheshimimen aıyppul salyndy»- dedi prokýror.
