Mańǵystaý oblysyndaǵy úsh aýyldan alynǵan taýyq jumyrtqasy quramynan zıandy hımıalyq elementter tabyldy, dep habarlaıdy «Qamshy» aqparattyq agenttigi «Informburo» aqparattyq agenttigine silteme jasaı otyryp.

Chehıa memleketinen kelgen zertteýshi Martın Skalskııdiń basshylyǵymen úkimettik emes uıymdar «BUU Orhýss konvensıasy» jobasynyń aıasynda ekologıalyq zertteý júrgizdi. Taýshyq, Shetpe, Basqudyq aýyldarynan alynǵan taýyq jumyrtqalarynyń quramynda kóp mólsherdegi geksabromsıklododekan bar bolyp shyqty.

Martın Skalskııdiń aıtýynsha: «Taýyq jumyrtqalarynyń analızi – jobanyń bir bóligi ǵana. Bizdiń zertteýimizshe ónimderdiń buzylý saldary aýyl-aımaqtardyń jan-jaǵynda qoqys tastaıtyn oryndardyń kóp bolǵandyǵynan bolyp otyr. Zertteýimiz taza bolýy úshin biz Ortalyq Qazaqstannanda osy ónimdi alyp zerttep kórdik. Ol jaqta da dál osyndaı jaǵdaı».

Ǵalymdar bul zıandy ónimniń adam aǵzasyna tıgizetin zardabyn anyqtaı almady. «Bári adamnyń bul ónimdi qanshalyq jıi jegenine baılanysty. Adam olardy birneshe jyl qoldanýy múmkin. Biraq aýrý beligelir birden baıqalmaıdy», - dedi Martın Skalskıı.

Sonymen qatar, zertteýshiler mańǵystaýlyq shubat quramynan polıhlorly defınılder tabylǵan. Ekologtardyń aıtýynsha, aımaqtaǵy ekologıalyq jaǵdaıdy jaqsartý úshin qoqys oryndaryn azaıtý kerek.

«Kelesi aptada biz osy máseleni Astanada talqylamaqshymyz. Qoǵamdy tek ekologıalyq jaǵdaımen tanystyryp qana qoımaı, tabıǵatty qorǵaýǵa shaqyrmaqshymyz», - dedi úkimettik emes «Eko Mańǵystaý» uıymynyń tóraǵasy Kırıll Osın.