Astanada EUÝ Ǵylymı kitaphanasynda Alash-Ordanyń 100 jyldyǵyna baılanysty ǵylymı konferensıa ótip jatyr dep habarlaıdy Qamshy.kz.

Osy jyly jalpyulttyq Alash partıasy men Alashorda úkimetiniń qurylǵanyna 100 jyl, 100 myńnan astam otandasymyzdyń ómirin jalmap, taǵdyryna balta shapqan jappaı saıası qýǵyn-súrginge 80 jyl tolady.

Osyǵan oraı «Ulttar kelisimi» QQ jáne L.N.Gýmılev atyndaǵy Eýrazıa ulttyq ýnıversıteti janyndaǵy  «Alash» mádenıet jáne rýhanı damý ınstıtýty»,  «Otyrar kitaphanasy» ǴO, Azamattyq bastamalardy qoldaý ortalyǵynyń bastamasymen baspasóz-konferensıasy ótip jatyr.

Konferensıaǵa Alash qozǵalysy jáne saıası repressıalardy zerttep júrgen ǵalymdar: f.ǵ.d., profesor T.Jurtbaı, t.ǵ.d., profesor Z.E.Qabyldınov, fılologıa ǵylymdarynyń kandıdaty S.Aqquly, f.ǵ.d., profesor S.Jumaǵul, saıasattanýshy Berik Ábdiǵalı, f.ǵ.k. dosent Q.Kemeńger jáne repressıaǵa ushyraǵan alash bozdaqtarynyń urpaqtary qatysty.

Baspasóz-konferensıaǵa qatysýshy ǵalymdardyń arnaıy taqyryptarda jaryq kórgen kitaptary, sonymen qatar Álıhan Bókeıhannyń 15 tomdyq shyǵarmalar jınaǵynyń tusaýy kesildi. Konferensıa aıasynda BAQ ókilderi jáne baspasóz konferensıasyna qatysýshylar 2017 jyly bul baǵytta júrgiziletin sharalarmen tanysty.

Konferensıa týraly tolyqtyrylǵan aqparat aldaǵy ýaqytta jarıalanatyn bolady.