Amerıkanyń Nú-Iork shtatynda erli-zaıypty Hızer jáne Ernest Franklınder «Teńiz jaǵalaýyndaǵy Manchester» fılmin kórgennen keıin asyrap alǵan balalaryn óltirgenderi úshin aıyptaldy, dep habarlaıdy Qamshy aqparattyq agenttigi, New York Daily News gazetine silteme jasaı otyryp.
Erli-zaıyptylarǵa adam óltirdi jáne dálelderdi joıdy, úı órtedi degen aıyptaýlar taǵylyp otyr.
Aımaqtyq prokýror Djozef Makbraıdtyń aıtýynsha, qylmys jasalardan bir-eki saǵat buryn «Teńiz jaǵalaýyndaǵy Manchester» fılmin kórgen eken. Fılmniń sújeti boıynsha bas keıipker Lı Chendler óz úıin baıqaýsyz órtep jibergende, úıdiń ishinde úsh balasy qalyp qoıady. Jáne osy isi úshin oǵan aıyptaýlar taǵylmaıdy.
«Ol(Hızer Franklın) belgisiz sebepterge baılanysty Shenango men Delavar okrýgterine baryp qaıtqan. Jáne órt sónip bolǵansha úıge qaıtyp kelmegen», - deıdi prokýror. Hızer Franklınniń ózi ol ýaqytta dúken aralaǵanyn aıtqan. Olardyń asyrandy balalary Djeffrı ishek aýrýlarymen aýyrǵan. Onyń anasy Facebook paraqshasynda balasynyń aýrý ekendigin jazǵan. Tergeý nátıjesinde balanyń órtten buryn ólgendigi belgili bolǵan. Biraq ólimniń naqty sebebi anyqtalmaǵan.
