QR Prezıdenti Nazarbaevtyń nazaryna
BAQ ÓKİLİ RETİNDE LATYN ÁLİPBIİNE JEDEL AÝYSÝDY QOLDAIMYZ!
Qurmetti Prezıdent jáne el azamattary!
Elbasy Nursultan Nazarbaevtyń bas gazetke jarıalanǵan maqalasynda «Elimizdiń jańa tarıhı kezeńge aıaq basqany» basa aıtyldy. Ulttyq biregeılikti saqtaý men báseke qabilettilik aıasyndaǵy ulttyq sananyń jańǵyrýy árbir qazaqstandyq úshin bultartpas qajettilik.
Jańa tarıhı kezeńge jańarýmen adym basqaly otyrǵan qazaq qoǵamynyń, Qazaqstan azamattarynyń prezıdent maqalasyn jyly qabyldap, ondaǵy bastamalarǵa, ásirese «latynǵa kóshý» jobasyna aıryqsha qoldaý bildirgeni aıqyn kórinip otyr.
Elbasynyń «rýhanı jańǵyrý» maqalasynda kórsetilgen bolashaqqa baǵdary «japondardyń tájirıbesin úlgi ete otyryp, qazaq elin qysqa ýaqyttyń ishinde mádenıeti men ekonomıkasy órkendegen álemdegi jetekshi memleketterdiń qataryna jetkizýdi oılaǵan» ult kósemi Álıhan Bókeıhannyń ıdeıasymen astasyp jatyr. Qazir álemdegi damyǵan memleketter tolyqtaı latyn grafıkasyn qoldanady.
Prezıdent sózinde aıtylǵandaı, latynshaǵa kóshýdiń tereń logıkasy bar. Bul qazirgi zamanǵy tehnologıalyq ortanyń, komýnıkasıanyń, sondaı-aq HHİ ǵasyrdaǵy ǵylym jáne bilim berý prosesiniń erekshelikterine baılanysty. Al, komýnıkasıalyq damýdyń saǵattap jetilip, tehnologıanyń kún sanap tyń jetistikterge jetip jatqan zamanynda qazaq qoǵamy kóshten qalmaýǵa tıis.
Sondyqtan da prezıdent atap aıtqan «2025 jylǵa qaraı is qaǵazdaryn, merzimdi baspasózdi, oqýlyqtardy, bárin de latyn álipbıimen basyp shyǵara bastaýǵa tıispiz» bastamasyn Qamshy aqparattyq agenttigi tolyqtaı qoldaıdy.
«Qamshy» aqparattyq agenttiginde ashylǵannan beri qaraıǵy 5 jyl ýaqytta taratqan aqparattarynyń barlyǵyn latyn grafıkasynda da oqýǵa tehnıkalyq múmkindik jasalǵan. Onyń aıasynda bizdi Eýropadaǵy, Túrkıadaǵy, tipti Qytaıdaǵy latyn álipbıin qoldanǵan on jyldyqtyń býyny da erkin oqyp, bógetsiz aqparat alyp keledi. Iaǵnı, latyn grafıkasyna kóshý álemdegi qazaqtardyń da basyn biriktiretin negizgi faktor bolyp otyr.
Maqalada kórsetilgendeı, jyldyń aıaǵyna deıin qazaq álipbıiniń jańa grafıkadaǵy biryńǵaı standartty nusqasyn qabyldaý talabynyń jedel iske asýyna baspasóz ókili retinde Qamshy aqparattyq agenttigi múddelilik tanytady.
Sondaı-aq, Qamshy agenttigi biryńǵaı grafıka qabyldansa, aldyńǵylardyń biri bolyp, qazaq álipbıiniń jańa tańbasymen aqparat taratýǵa daıyn ekenin habarlaıdy.
Qamshy aqparattyq agenttiginiń redaksıasy
