Tegin tamaq berý bastaýysh mektepterdegi oqýshylardyń oqý úlgerimin joǵarylatady. Mundaı sheshimge kelgen Brıtan ǵalymdary oqýshylardyń matematıka sekildi naqty ǵylymǵa negizdelgen pánderdi oqýǵa yntalaryn joǵarylatyp, oqý úlgerimin kóteretindikterin málimdegen. Bul týraly «Qamshy» aqparat agenttigi The Guardian-ǵa silteme jasap habarlaıdy.

Júrgizilgen tájirıbege 106 brıtandyq bastaýysh mektepteri qatysqan. Onyń derlik kópshiligi nashar aýdandarda ornalasqan mektepter.

   Osy atalǵan  mektepter memleket tarapynan demeýshilikke ıe bola otyryp, tegin túski aspen qamtamasyzdandyrylǵan.

Standartty jeńildikter arqyly beriletin túski astyń ornyna tolyqqandy tegin tańǵy/túski as klýbtary uıymdastyrylǵan.

Júrgizilgen zertteýdiń nátıjesinde tańerteńgi as ishken balanyń matematıka, oqý, jazý syndy sabaqtarda úlgerimi ósken. Sonymen qatar, tamaqtaný jalpy turǵyda oqýshylardyń jáı-kúıin sabaqqa nazaryn aýdartýda mańyzdy ról alatyny da dáleldengen.

"Oqýshylardyń  jep-ishken astarynyń quramy emes, sol as qandaı ortada, qandaı kóńil kúıde qabyldanǵandyǵy  mańyzdy"- deıdi zertteýshiler.

Zertteýshilerdiń biri «motıvasıalandyratyn»  tańǵy astar men túski astar klýbyn uıymdastyrýdy Brıtan úkimetine qamtamasyz etýin usynyp otyr.

Biz de óz kezegimizde, elimizdegi  mektepterde, tipti bolmaǵanda nashar aýdanda ornalasqan mektepterde oqıtyn oqýshylardy  túski/tańǵy aspen qamtamasyz etýdi  Respýblıka Bilim mınıstrligi qarastyrsa degen usynys qaldyrýdy jón dep esepteımiz.